Page Text
________________
NNNNNNNNNNNNNNNNNNNNNA
तं कु(किं) कुमं(कम्म) ?' सूरि भणइ – 'साहेमि, सुम्मउ' ।
'इओ चउत्थभवे तुमं संखलु( पु? )रनिवासी बंभणो । निमंतिओ धम्मदिवसेसु पुण्णभद्दसिट्ठिणा। तत्थ य मज्झण्ण(ग्रह)समए भोयणत्थं तुहाऽऽगयस्सेगो निज्जिगीसो छट्ठपारणिओ भिक्खानिमित्तमागओ । सो य सायरमतु(ब्भु)द्वित्ता पडिलाहिओ सिट्टिणा गओ सटाणं । तं च दटुं तए मच्छरिएण भणिओ सेट्टी 'अहो कट्ठमन्नाणं जेण तुम्हारिसा वि विवेइणो मुझंति, जओ किमणेणं सुद्दजाइणा सोयायारवज्जिएण सम्माणिएणं ?' सिट्ठी भणइ – 'किमजुत्तं ? जओ गिहागयस्साऽवस्सं दायव्वं' । तए भणियं - 'दिज्जइ किंतु तमेयारिसे निप्फलं' । सेट्ठी भणइ – 'तुमं न जाणसि' ।'
___'तओ व(तु)मं साहुनिंदापच्चयं जागविहियबहुपसुघायपच्चयं चाऽसुहकम्ममुव[व]ज्जिऊण उववण्णो रयणप्पहपुहवीए, तओ उव(व्व)ट्टिऊण जाओ अडवीए हरिणो । तत्थ य मुणिमेगं दट्ठण(णु)वसंतो कयाणसणो सावसेसकुकम्मो तुमं समुप्पन्नो चंदगुत्तो' ।
___ तं च सोउं संबुद्धोऽहं बहुपाणीहिं सह पव्वाविओ विजयसेणसूरीहिं । समयंमि तेहिं चेव निवेसिओऽहं विजओ नाम सूरि त्ति ॥ गयं ।
सुयविजयसूरिचरियाइ विजय-दुविट्ठणो – 'भयवं ! साहु साहु ते [चरियं] निव्वेयकारणं'ति वोत्तु गया नियट्ठाणं । कयाइं च तेसिमंतियमागओ तारयपडिवासुदेवो(व)दूओ । पविट्ठो पडिहारनिवेइओ । प(पु)च्छिओ दुविट्ठणा कुसलं तारयनरवइणो । दूओ भणइ – 'कुसलं, किंतु देवो समाणवेइ –
पुहवीए दोन्नि पहुणो, लज्जाकरमेयमति सुपुरिसाण ।
ता मज्झ बलं तुलियं(उ), पुहवि गेण्हसु ममाऽऽणं वा ।' सोउं चेदं भणियं दुविठ्ठणा – 'रे दूय !
पुहवी विक्कमसज्झा, सा उण गहिया मए ममाऽऽणाए ।
तुह सामी जममय(इ)रं, जाउ सहत्थेण वा नेमि ॥ ता गंतुं तुममेयं सिग्धं साहेसु नियपहुणो ।'
तेण वि गंतुं साहियं तारयस्स । तारओ वि आगओ सबलो दुविठ्ठणा सबलेण स(सं)मुहीहूओ जित्तो दुविट्ठस्स चक्कं मुंचइ । तं चाऽऽगंतुं पुण्णाणुभावओ चडियं दुविठ्ठहत्थे । तओ तेणेव छिण्णसीसं तारयं काऊण जाव दुविठ्ठवासुदेवो बत्तीससहस्संतेउरपरिवारिओ सोलसमउडबद्धरायसहस्ससंसेविज्जमाणो दाहिणभरहद्धं भोत्तुं गओ अहोगई । विजयबलदेवो वि दुविठ्ठवासुदेवविओए विजयसूरिसमीवे निक्खमित्ता सिद्धो त्ति । दुविठ्ठवासुदेवो त्ति गयं ॥
दुविठ्ठवासुदेवपच्चक्खा वासुपुज्जजिणाओ य तीससागरोवमेहिं तेरसमो विमलजिणो त्ति विमलजिणकहा भण्णइ -
रिठ्ठपुरनयरे पउमसेणो राया सव्वगुत्तगुरुसमीवे विहियपव(व्व)ज्जो जाओ सहस्सारे देवो । वइसाहसुद्धबारसीए चविऊणहेव जंबुद्दीवे भारहे वासे कंपिल्लपुरे कयवम्मस्स रण्णो सामादेवीए चोद्दससुमिणसूइओ संभूओ गब्भे । तओ माहसुद्धतइयाए जाओ सट्ठिवरिसलक्खाऊ कणयवन्नो पुत्तो । गब्भगयंमि य जमिमंमि जणणीए णु बुद्धी विमला जाया, तेणेसो पइट्ठिओ पिउणा विमलो नाम ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |