________________
॥श्री भक्तामरस्तोत्रम् ॥
स्तवनं-गुणरहस्योत्कीर्तनं आस्तां-तिष्ठतु दूरे। स्तवमहिमा महीयान् वर्तते। त्वत्संकथाऽपि-त्वत्सम्बन्धी संल्लापोऽपि-त्वद्विषयिणी पूर्वभवसम्बद्धनामवार्ताऽपि जगतां-लोकानां दुरितानि-पापानि विघ्नानि वा हन्ति । उक्तं च (वन्दितासूत्रे, गा. ४६)
"चिरसंचियपावपणा-सणीइ भवसयसहस्समहणीए ।
चउवीसजिणविणिग्गय-कहाइ वोलिंतु मे दिअहा ॥शा" - आर्या ___औपम्ये यथा-सहस्रकिरणः-सूर्यो दूरे तिष्ठतु, प्रभैव-अरुणच्छायैव पद्माकरेषु-सरस्सु जलजानि-मुकुलरूपकमलानि विकाशभाञ्जि- स्मेराणि कुरुते। यदा सूर्योदयात् पूर्वप्रवर्तिनी प्रभातप्रभा पद्मविकाशिनी स्यात्, तदा सूर्यस्य किमुच्यते? तथा भगवद्गुणोत्कीर्तनं स्तवनमाहात्म्यं न कश्चिद् वक्तुमलम् । जिननामग्रहणसंकथैव सर्वदुरितनाशिनीतिवृत्तार्थः ।।९।। ___अत्र मन्त्रो यथा - ___ॐ ह्रीं जूं श्रीचक्रेश्वरी (रि?) मम रक्षां कुरु कुरु स्वाहा, सर्वरक्षाकरी भगवती केशववत् ।
"निराकृत्य हरिं मार्गे, केशवो याति संस्तवात्। पृष्ठे कृत्वा ततो देव्या, रसकूपाद् बहिः कृतः ॥१॥ - अनु० भिल्लधाटीं तृषं क्षिप्त्वा, वने च जलयोगतः । दुरितानि क्षयं जग्मु-श्चकाराह्नि जिनालयम् ॥२॥" - युग्मम् वसन्तपुरे केशवो नाम निर्धनो वणिक् वसति स्म। सोऽन्यदा जैनगुरुदेशनामश्रौषीत् - "धर्मो मङ्गलमुत्तमं नरसुरश्रीभुक्तिमुक्तिप्रदो
धर्मः पाति पितेव वत्सलतया मातेव पुष्णाति च । धर्मः सद्गुणसङ्ग्रहे गुरुरिव स्वामीव राज्यप्रदो धर्मः स्निह्यति बन्धुवद् दिशति वा कल्पद्रुवद् वाच्छितम् ॥१॥" शार्दु०
ना १२२
