________________
5
10
15
20
25
२०]
[ ऋषिदत्ताचरित्रसंग्रहः ॥
दिण्णे पयाणसंखे, खुहिए सयलम्म तत्थ सेण्णम्मि । चउ-पंचपुरिससहिओ, चलइ कुमारो सरंते पिट्टं ॥२०८॥ उज्जोइयपुव्वदिसो निन्नासिया स[व्वल ? ] तिमिरसंघाओ । सहस त्ति अंसुमाली, उइओ एत्थम्मि पत्थावे ॥ २०९ ॥ संपत्तो य क्खणेणं, रायसुओ पवणवेगतुरएहिं । पेच्छइ तत्थ वक्खित्तं तं अंदोलंतं वणंऽतरि ॥ २१०||
दट्ठूण रूवविहवं, तीए बालाएँ तत्थ रायसुओ । अक्खित्तमाणसो सो, एवं चिंतेमाढत्तो ॥ २११ ॥
किं सग्गाओ एसा, केण वि कुविएण रिसिवरेण इहं । सावेण सावियंगी, पडिया रण्णे निसालम्मि ॥ २१२ ॥ किं का वि होज्ज रिसिणी, कंद - फलाऽऽहारिणी अरणगया । तव-निययसोसियंगी, पियुविरहे गहियपवज्जा ॥२१३॥ अहव नवजोयणाए, रिसित्तणं कह इमीऍ इह हुज्जा । ता पुव्व वेरिएण, केण वि देवेण इह खित्ता ॥ २१४॥ अहवा विज्जाहरपवरबालिया कमलकोमलसरीरा । वेयड्डपव्वयाओ कीलणहेउं इहं आया ॥ २१५ ॥
एसा उ होज्ज लच्छी, सरस्सई एस सुंदरा (र) मुहया (सुहया) । अहवा वि कुरंगच्छी, हवेज्ज अण्णा इमा का वि ॥ २१६ ॥ अहवा विकुवलयच्छी, कमलमुही कमलकोमलसरीरा । मज्झ कएणं विहिणा, विणिम्मिया एत्थ रणम्मि ॥ २९७ ॥ एवं विचितमाणो, रायसुओ जाव तत्थ अच्छेई । ता बहलकलयलेणं, झत्ति परायं तहिं सेण्णं ॥२१८॥ सेण्णरवं सोऊणं, सा बाला तत्थ रन्नमज्झम्मी । कुमारेण दिस्समाणा सहसा अद्दंसणं जाया ॥ २१९॥ तो चिंतेइ कुमारो, किं एयं सुविणयं मए दिट्ठे । किं वा पच्चक्खमिणं किं वा माहिंदजालं ति ॥ २२० ॥
D:\amarata.pm5\3rd proof
