________________
[१७
रिसिदत्ताचरिए पढमं पव्वं ॥]
कत्थ वि गयकुलपुण्णं, कत्थ वि तं मयकुलेहिं परियरियं । कत्थइ पुलिंदपउरं, कत्थइ सीहेहिं भीसणयं ॥१७२।। अण्णत्थ रिंछ-चित्तय, अण्णत्थ य गवय-गंड-रुरुवेहिं । अण्णत्थ अच्छभल्लयसएहिं तं संकुलं रन्नं ॥१७३।। अण्णत्थ भिल्ल-संवरे, अण्णत्थ य रक्खसे महाघोरे ।
अण्णत्थ भूयपेए, फेकारंते महाचंडे ॥१७४।। अवि य- दुज्जणमुहसारिच्छं, तं रणं कसिणपव्वयसएहिं ।
तह कसिणगयकुलेहिं कालिंजिणि तह य कुसुमेहिं ॥१७५।। अण्णत्थ सुयणसरिसं वि य सियवरसेयकुसुमनिवहेहिं । अण्णत्थ पल्लवेहिं, अंदोलंतेहिं वाहरइ ॥१७६।। अण्णत्थ फलभरेणं, पहियाण य आगयाण तं रण्णं ।
कारवइ पाणवित्ति, सुयणसहावम्मि वहतं(व हुँतं) ॥१७७।। अवि य- गयगज्जिएहिं गज्जइ वासइ निज्झरण-पव्वयजलेहिं ।
सिंहिकेयाऽऽरवपउरं वासारत्तो व्व तं रण्णं ॥१७८॥ अह तत्थ रणमज्झे करहविलग्गेहिं निययपुरिसेहिं । जोवाविऊण उदयं पच्छा गच्छेइ तं सेण्णं ॥१७९।। अण्णदिणे जे पुरिसा पट्टविया जलगवेसणनिमित्तं । ते सुचिराए आया रायसुएणं इमं भणिया ॥१८०॥ 'किं वो चिरावियं, तं तुझेहिं जलगवेसणगएहिं' । ते वि पणामं काउं भणंति कुमरं इमं हिट्ठा ॥१८१।। सामि ! लद्धं अम्हेहिं निम्मलउदयं महासरं दिटुं । जं पुण चिरावियं इह तत्थ वि कज्जं निसामेह ॥१८२।। एक्कम्मि भूमिभागे, तत्थ वणे जलगवेसणगएहिं । दिटुं महामहंतं चोज्जं, तं सामि ! निसुणेहिं ॥१८३।। अत्थि बहुरण्णमज्झे फुल्लुप्पलकमलकुवलयाइण्णं । कारंड-कुंच तह चक्कवाय-सारस-कलहंसपडिपुण्णं ॥१८४॥
25
D:\amarata.pm5\3rd proof
