________________
[११
रिसिदत्ताचरिए पढमं पव्वं ॥]
बाहत्तरिकर्लकुसला विण्णाणाऽइसय-विणयसंपत्ता । अट्ठारसलिविनिउणा सोमा सा चंदरेह व्व ॥९७|| संपुण्णचंदवयणा वरपउमिणिकुसुमपत्तसमयनयणा । वरा य घणथणकलसा सुकुमाल-सुपच्चलवइ ॥९८॥ सा अण्णदिणे धूया नाऊणं जोव्वणम्मि वढ्ती । सुंदरपाणिसयासे वासुलदेवीए उवणीया ॥९९।। अह पेच्छिऊण धूयं, वदि॒तिं जोव्वणम्मि पढमम्मि । सो चिंतेइ मणेणं, राया कस्सेस दायव्वा ॥१००। रहमद्दणम्मि नयरे, राया नामेण अत्थि हेमरहो । तस्सऽत्थि सुओ पवरो, कणगरहो नाम नामेणं ॥१०१।। तस्सेसा वरकण्णा देमि अहं एव चिंतिउं राया । वाहारावइ मंती सागरपमुहा तहिं सव्वे ॥१०२।। तो तेसिं मंतीणं साहइ राया य वईयरमिमं ति । ते वि य सागरपमुहा, भणंति मंती इमं वयणं ॥१०३।। अवस्सेसा दायव्वा कस्स वि विन्नाणरूवकलियस्स । जेण महग्धं रयणं, जाइ महग्घम्मि ठाणम्मि ॥१०४।। अम्हेहिं वि सुयमेयं, जहा कुमारो जयम्मि सुपसिद्धो । रूव-गुण-लच्छिनिलयाओ सोंडीरो कित्तिमंतो य ॥१०५।। एसा वि य वरा बाला निज्जियरइ-कंति-तेयसंपया । 'दोण्ह वि समरूवाणं नऽत्थि विरोहो 'त्ति सुपसिद्धं ॥१०६।। सोऊण ताण वयणं, राया पेसइ सोहणे दिणम्मि । गुणसेणं नामेणं, महंतगं सव्वअहिगारी ॥१०७।। गुणसेणो गंतूणं, हेमरहं पणमिऊण विणएणं । पत्थावं लहिऊणं, कोसल्लीयं समप्पेइ ॥१०८॥
20
૨. પ્રાકૃતમાં સમાસમાં પૂર્વપદનો અન્ય સ્વર દીર્ઘ હોય તો હસ્વ અને હસ્વ હોય તો દીર્ઘ વિકલ્પ થાય છે.
D:\amarata.pm5|3rd proof
