________________
[९
रिसिदत्ताचरिए पढमं पव्वं ॥]
अंबरतलं लिहंते वेरुलियमाइरयणनिम्मविए । कोट्टिमतलसोहंते जिणभवणे' तत्थ अइरम्मे ॥७२॥ आराम-वावि-दीहिय-उज्जाण-तलायमंडियं रम्मं । फरिहासमन्निएणं, पायारवरेण तं खित्तं ॥७३।। तत्थ य सरलसहावो लोओ परिवसइ गुणसयाइण्णो । विन्नाण-कलाकुसलो वियक्खणो बुद्धिमंतो य ॥७४|| सम्मत्त-नाण-दंसण-तव-नियमे य उज्जुत्तो । महु-मज्ज-मंसविरओ सावयधम्मे सया निरओ ॥७५।। अह तत्थ वरे नयरे, हेमरहो नाम अत्थि वरराया । जो सत्तुकरिवराणं सीहकिसोरो व्व पच्चक्खो ॥७६।। चंदो य सोमयाए [अइनिम्मलवय]णकंतिपरिपुण्णो । नाएण बलिसरिच्छो रूवेणं पुरंदरो चेव ॥७७।। कप्पतरू भिच्चाणं, दाया दीणाण अरी य वेरीणं । सो पालगो नयाणं, कलमलओ अण्णराईणं ॥७८॥ तस्स य वरनरवइणो अत्थि पिया गुणगणेहिं सुपसिद्धा । सुविसुद्धकुले जाया सुजसा नामेण देवि त्ति ॥७९।। सा पउमगब्भवण्णा, पउममुही पउमपहवरनयणा । वेल्लहलबाहुलइया ससि व्व सोमा य अकलंका ॥८०॥ सुजसादेवी तणओ अत्थि, सुओ बहुगुणाण जो निलओ । हेमरहपढमपुत्तो कणगरहो नाम नामेणं ॥८१।। सो सयलकलाकुसलो, पियंवओ तह य देव(चेव?) गुणगाही । सुहओ य पुव्वभासी, सघिणो रूवी विणीओ य ॥८२।। भुवणे विक्खायजसो, सोंडीरो कित्तिमं विसालच्छो ।
पियधम्मो य सुसीलो, वियक्खणो बुद्धिमंतो य ॥८३।। १. प्राकृतत्वात् पुल्लिङ्गम् , प्रथमाबहुवचनमेतत् ।
15
20
D:lamarata.pm5\3rd proof
