________________
२९४]
[ऋषिदत्ताचरित्रसंग्रहः ॥ महईए वेलाए समागया पुच्छिया कुमारेण । कालविलंबो तुम्हाण किंनिमित्तो इमो जाओ ॥५५॥ एवं ते परिपुट्ठा नीरन्नेसयनरा निवेइंति । कुमरम्हे ताव गया तुह पासाओ तुरियगमणा ॥५६॥ जलजोयणस्थमेत्तो जोयणमेत्ते सरोवरं दिटुं ! । बहुतरुवरसंकिन्नं तप्पेरंतेसु वणमेगं ॥५७॥ तीरम्मि देवकुलिया अवरं पि हु कुमर ! दिट्ठमच्छरियं । अंदोलंती वडपायवम्मि कन्ना सुतारन्ना ॥५८॥ तीए रूवऽक्खित्ता पेच्छंता तं ठिया वणंतरिया । सा वि हु खणंतरेणं विज्जु व्व अदंसणीहूया ॥५९॥ पुरओ जा वच्चामो ता तीए कुमर ! देवकुलियाए । फल-पुप्फ-कंदहत्थो संपत्तो तावसो एगो ॥६०॥ सा वि हु बाला सह तावसेण कंदाइयं तमाहारं । आहारेउं कत्थइ सहस त्ति अदंसणं पत्ता ॥१॥ तत्तो वयं वलेउं समागया कुमर ! तुज्झ पासम्मि । एयं विलंबकारणमावन्नं तत्थ अम्हाणं ॥१२॥ बीयम्मि दिणे कुमरो पयाणढक्कं दवाविउं सिबिरे। तुरयारूढो वेगेण तत्थ पुरिसेहिं सह पत्तो ॥६३॥ दिटुं तहेव सुसिणिद्धपत्तसहिएहिं सुहयफलएहिं । संतावहरेहि समस्सियाण वित्थिन्नसाहेहिं ॥६४॥ सुयणेहिं व नाणाविहतरुवरनिवहेहिं जणियसंतोसं । नंदणवणमिव सग्गम्मि नयण-मणहरणमुज्जाणं ॥६५॥ तस्स य मज्झम्मि सरं बाहुलयाहिं व नीरलहरीहिं । आलिंगड़ व्व कुमरं समागयं जं सिणेहेण ॥६६॥ निम्मलदलहत्थाहिं नलिणीविलयाहिं भवणपत्तस्स । अग्धं व जं पयच्छइ सररुहविसरं कुमारस्स ॥६७॥ कलहंस-कुरर-सारस-कारंडवमहुरमणहररवेण । सुहसागयं व पुच्छइ कुमारस्स गिहागयस्स सयं ॥६८॥ महुपाणरत्तमहुयरसुमहुररुणझुणियसुंदररवेण। जं गायइ व्व कुमरस्स गुणगणं जायगुरुहरिसं ॥६९॥ तीरम्मि देवकुलियं नियइ सुतारं नहंगणसिरिं व । समयरमुहं सकन्नं सतुलं कुंभाभिरामं च ॥७०॥ पच्चासन्ने वडपायवम्मि अंदोलयम्मि कीलंतिं । पेच्छड़ तहेव पुरिसेहिं वन्नियं कन्नयं एगं ॥७१॥
D:\chandan/new/datta-p/pm5\2nd proof
