________________
परिशिष्टम् [ २ ] ऋषिदत्ताख्यानकम् ॥ ]
अब्भिडियनिबिडगुडगडियगयघडाडोयभीसणमयंडे । हयनिवहतिक्खखुरखणियखोणिरयपिहियरविबिंबं ॥३९॥ रयचलियतुरय [ खरखुर ] रहवरस्वपसरबहिरियदियंतं । लल्लक्कपक्कपाइक्कचक्कपम्मुक्कदढहक्कं ॥४०॥ जयसिरिसंगमलुद्धाण ताण सपसायसामिभत्ताणं । दोह वि बलाण जुद्धं बहुजीवखयंकरं लग्गं ॥४१॥ निद्दयखग्गवियारियकरिकुंभत्थलगलंतरुहिरेण । पवहन्तनईवुब्भंतजाण-जंपाणदुप्पेच्छं ॥४२॥ कत्थवि य मंसवसलुद्धसाइणी - पेयसयसमाइन्नं । कत्थइ सुरवररमणीनिवहवरिज्जंतवीरगणं ॥४३॥ कत्थवि करालकरवालछिन्नसिरभमिरभीसणकबंधं । कत्थवि य नरामिसलुद्धगिद्ध - जंबुयगणाइन्नं ॥४४॥ इय असमंजरूवं बहुजीवखयंकरं रणं दठ्ठे । अरिदमणो कुमरेणं दयालुणा एवमालविओ ॥४५॥ किं निरवराहजणमारणेण एएण कज्जमम्हाणं ? | तुममहयं चिय नरवर ! जुज्झामो बाहुजुज्झेण ॥४६॥ अणुमन्नियम्मि तेणं महीए होऊण बाहुजुद्धेण । कुमरेण विबंधेउं वसीकओ नागपासेहिं ॥४७॥ जिणिऊणेवं भणिओ कुमरेणं सो विपक्खनरनाहो । गिन्हसु रज्जं दिन्नं तुज्झ मए मन्नसु ममाऽऽणं ॥४८॥ सो वि हु माणधणो भणइ मज्झ सीसं जिणेसर- मुणिंदे । मोत्तुं न नमइ अन्नस्स निच्छओ एस जा जीवं ॥४९॥ ताहे अरिदमणनिवो अचयंतो माणगंजणं दुसहं । मोत्तुं तणं व रज्जं पव्वइओ गुरुसमीवम्मि ॥५०॥ ठविऊण तस्स रज्जे तत्तणयं पत्थिओ पुरो कुमरो । वच्चंतो य कमेणं पत्तो भीमाडविं एगं ॥५१॥
सा य केरिसा ?-कत्थइ सज्ज - ऽज्जुण- तरल-तमाल - हिंताल - सरलसोहिल्ला ।
कत्थइ करीर-कणवीर-जंबु - जंबीररमणीया ॥५२॥ कत्थवि य सरह-सद्दूल-सीह - गुरुगवय - गंडयाइन्ना । कत्थवि य तरच्छ-मय- ऽच्छभल्लवहुसंचररउद्दा ॥५३॥ तत्थ य निवेसिउं सिबिरमेगदेसे दिसाए एगाए । पट्टविया नियपुरिसा पाणीयन्नेसणनिमित्तं ॥ ५४॥
१. गुरुवग्घगंड० रं० ।
D:\chandan/new/datta-p/pm 5 \ 2nd proof
[ २९३
