________________
२९२]
[ऋषिदत्ताचरित्रसंग्रहः ॥ जाणावेमि सपणयं ? उयाह कुलदेवयं पसन्नमणो । आराहेउं पुच्छामि वंछियं ? सा सयं कहिही ॥२२॥ एवं दुहियाचिंतासमुद्दवसणम्मि निवडिओ राया। अहवा मूलाओ चेव होइ दुहदाइया नारी ॥२३॥ एवं नाऊण विसन्नमाणसं नरवई सुमइनामा । मंती पुच्छइ उव्विग्गमाणसा देव ! किं तुब्भे ॥२४॥ तत्तो कहियं रन्ना कुमरीवरलाभसंभवं दुक्खं । तेणुत्तं होसु थिरो कयाइ लद्धोऽणुरूववरो ॥२५॥ जेण मएऽईयदिणे निसुओ तक्कुयजणेण गिज्जंतो। हेमरहरायतणओ कणगरहो नाम कुमरवरो ॥२६॥ चाई सूरो दक्खिन्नमंदिरं सीलवं कलानिउणो । ता तस्स देसु जुज्जउ सीहकिसोरेण सह सीही ॥२७॥ रन्ना भणियं जइ एवमेत्थ कज्जम्मि ता तुमं चेव । सिग्धं वच्चसु चिंताभारं अवणेसु मह एयं ॥२८॥ एवं वुत्तो मंती पसत्थदिवसम्मि पत्थिओ तत्थ । पत्थुयरायपओयणपसाहणत्थं समणुपत्तो ॥२९॥ दिवो य गोरवेणं मंती हेमरहनरवरिंदेण । भणियं च तेण सविणयमागमणपओयणं रन्नो ॥३०॥ देव ! मह सामिसालो तुमए सद्धि समीहए काउं ।
आजम्ममेव संगममणुरूवाऽवच्चजोयणओ ॥३१॥ जओ भणियं- इयरह वि सिणेहो सज्जणाण जाओ जणेइ संतोसं ।
किं पुण अवच्चसंबंधबद्धमूलो महाराय ! ॥३२॥ ता जइ कुलाणुरूवं वयाणुरूवं च महसि वा मेति । ता किज्जउ मह वयणं पडउ घयं सूयमज्झम्मि ॥३३॥ ताहे हेमरहेणं कणयरहो पेसिओ सह बलेण।। गच्छंतो संपत्तो अरिदमणनिवस्स विसयम्मि ॥३४॥ अरिदमणेणं कुमरो भणाविओ वज्जिऊण मह विसयं । वच्चसु होसु व सज्जो मए समं समरसंरंभे ॥३५॥ कुमरो वि फरुसवयणेण तेण धणियं मणम्मि परिकुविओ। कंडारिओ व्व सीहो सामरिसं भणिउमाढत्तो ॥३६॥ रायपहेणं गंतुं न लब्भए केरिसो इमो नाओ?। न मुयामि रायमग्गं आगच्छसु जुज्झसज्जो हं ॥३७॥ तं सोऊणं अरिदमणनरवई नियबलेण परियरिओ । जुज्झेण संपलग्गो समं कुमारेण समरम्मि ॥३८॥
D:\chandan/new/datta-p/pm5\2nd proof
