Rushidatta Charitra Sangraha

SR No.: 009695
Original Sutra Author: N/A
Author: Chandanbalashreeji
Publisher: Bhadrankar Prakashan
Publication Year: 2011
Total Pages: 436
Language: Sanskrit
Classification: Book_Devnagari & Literature
File Size: 2 MB

Page 362

२८८]
[ऋषिदत्ताचरित्रसंग्रहः ॥ उवगच्छीहामि । तं एस परमत्थो, महरिसि ! तुब्भे वच्चध तवोवणं चेव । भणाहि वा जेण ते कज्जं तं ते सव्वं उवविधेमि । ते (? ततो) अहं पुण णिच्छिदो हुदवहं पविसामि त्ति ।
तं च मरणणिच्छिदं णादणं रिसिकुमारगरूवठिता इसिदत्ता भणति-रायपुत्त ! अलं ते अग्गिपवेसेणं । अहं ते इसिदत्तं इह भवे चेव जीवंतिं दंसेमि । मुय विसादं ति । तेण भणिदंवयंस ! जा घादिदा पाणेहिं लोगविदितं, [तं] कहिं दंसेहिसि ? तीय भणिदं-ण चेव मारिदा सा, जीवदि णिस्संसयं । किंतु पियक्खाणं मे किंचि देहि, जं अहं मग्गामि, जा ते अमदस्स इध भवे चेव दंसेमि ते पियं ति । ततो विम्हिदमती सकोदुगो भणदि-रिसिकुमारक ! इतरधा वि य तुह ण तं अस्थि जं ण देयं, तध वि जदि मे इसिदत्तं जीवंतिं दरिसेहि, ततो अहं णिययजीविदमवि पयच्छामि । ततो तीय भणिदं-आगच्छ, णगरिं पविसाहि, जा ते इसिदत्तं दंसेमि त्ति । ततो पत्तिज्जंतो य तस्स वयणेणं पविट्ठो पुरिं । पइरिक्कावासगतस्स य तस्स तीए पेच्छंतस्सेव पुरदो ऊरुं विकत्तिदूणं उत्थि (? क्ख)दा ओसधी, जाता य तक्खणं चिय साभावियरूवा जधारूवदिट्ठा इसिदत्ता ।
परमपरितुद्वेण य ताधे उ अच्छेरयं ति हरिसवियसंतणेत्तेणं अवतासिदा, भणिदा यपिए ! दिव्वचरिते ! कधय, किमेतं एरिसं? ति । तीय तस्स मदिविब्भमंतस्स साभिण्णाणेहिं वयणेहिं संवादिदो से अप्पा । ओसधिकारणावसाणं च पाणणीहरणादीयं च अत्तणो वसणं अपरिसेसितं सिटुं । ततो परमतुट्टो कणगरधो जादो, आणंदिता य पउरा, वत्थव्वणरपतिकुलं च । गेण्हाविदा य हात-विलित्ता इसिदत्ता वत्थाभरणाइं । तं च लोए अच्छेरयमिव वत्तं । कुविदेण य कणगरधेणं कप्पिदकण्णो?णासिया कदट्ठिमालसंकुला खरारूढा डिंडिमकपुरस्सरा रासभेण भामेदं णगरिं णिव्विसया पा (? प) रिव्वाइया कदा । इसिदत्ताए य पिअक्खाणणिमित्ते कणगरधो जाइतो-अज्जपुत्त ! एदम्मि पियक्खाणप्पदाणे एदीए तुमे रायहिदाए वित्तेण णासिदव्वयं । अवकरेंतेण वि हु दुज्जणेणं सुयणस्स उवकदं । [उवकदं] चेव एदीय मे दूसेतुं । पुणो मत्थयं णादंताण य मम जीविददायगाणं पाणाणं परित्ता कायव्वा । तेण णासिदव्वयं करेंतेण वि 'तध त्ति' पडिवण्णं, 'काहामि पच्चुवगारं पाणाणं' ति ।
णवरं च घेत्तूण य इसिदत्तं रूविणिं च चलितो स [णगरं] कणगरधो । सुंदरपाणिणा य दो वि विभूदीए पेसिदाउ, कणगरधो वि तधेव । कमेण पत्ता य सणगरं । सुदपरमत्थेण य रण्णा हेमरधेणं संतेपुरेण पूजिदा इसिदत्ता ।। दुट्ठपासंडिणो य णिव्विसया कदा । अभिसित्तो य पितुणा कणगरधो महदा रायाभिसेएण । इसिदत्ता य महादेवी अभिसित्ता । कदो य ताणं चंडालाणं विउलो सक्कारो । हेमरधो य पुत्तसंकामिदरज्जसिरि णमिसामितित्थावच्चिज्जाणं भद्दयसाणं अंतिए पव्वइतो णिस्संगो विहरति । कणगरधो वि सुदधम्मो इसिदत्तासहितो चेतियसाधुपूयणपरो रज्जं पसासदि । तेण वि य ते चंडाला इसिदत्ताजीवि [ द दायग त्ति अत्थविभूतीए पूइदा । गतो य से सुबहुकालो ।
१. उच्छिदा खं० विना० । २. एदी एदीय तुमे खं० । ३. मच्छयं दाणंताण खं० विना ।
D:\chandan/new/datta-p/pm52nd proof