________________
१३२]
[ऋषिदत्ताचरित्रसंग्रहः ॥ सा कीदृशी
आस्ते श्रृङ्गारलीलाऽलसयुवतियश:कौमुदीराहुजिह्वा, विश्वं जिह्वलयन्ती लटभगुणकलाकेलिकोलाहलेन । सर्वेषामन्ययूनां निजनिजयुवतिप्रीतिवल्लीहिमानी, कन्या लावण्यधन्या, क्षितिप ! रतिपतिक्ष्माभृतो राजधानी ।।८।। [स्रग्धरा] पश्यतां तत्र साऽस्माकं, क्षणेनाऽदृश्यतां गता । विस्मितैर्वनमस्माभिः, शोधितं तिलमात्रतः ॥९।। ततस्सा तत्र नो दृष्टा, विशिष्टा दिव्यकन्यका । त्वत्सेवकानामस्माकं, वेलाभङ्गस्तदाऽजनि ॥१०॥ तच्छ्रुत्वैवं कुमारोऽपि, तां द्रष्टुं(दष्टुं) विस्मितोऽभवत् । तदा च श्रीसहस्रांशुरशस्ताऽस्ताचलं गतः ॥११॥ कुमारस्तान् विसृज्याऽथ, सान्ध्याऽवन्ध्यविधि व्यधात् । स्मृत्वा पञ्चनमस्कारं, सुखं सुप्त्वाऽपतन्निशि(शाम्?) ॥१२॥ विशिष्टयूष्टकृत्यानि, कृत्वा कृत्यज्ञ एव हि ।
प्रार(रि)प्सितप्रयाणस्य, प्रातढक्कामदापयत् ॥१३॥ प्रयाणढक्कासमयः कीदृशः ?
गर्वग्रन्थिलगूर्जरज्वरकरः, कर्णाटकर्णाऽटवीदावाग्निविडेन्द्रदर्पदलनश्चौडेन्द्रनिद्राहरः । प्रत्यर्थिप्रमदामदालसलसद्भूताण्डवस्तम्भनः, प्रस्थाने नृपतेश्च डिण्डिमडमत्कारो जगद् गाहते ॥१४॥ [शार्दूलवि०] सैन्याधिकारिणस्सर्वे प्रयाणोपक्रमं व्यधुः ।
पुरः स्वल्पपरीवारोऽध्यारोहत् तुरगं नृपः ॥१५।। तं च कीदृशम् ?
निर्मीसं मुखमण्डले, परिमितं मध्ये, लघु कर्णयोः, स्कन्धे बन्धुरमप्रमाणमुरसि, स्निग्धं च रोमोद्गमे । पीनं पश्चिमपार्श्वयोः, पृथुतरं पृष्टे, प्रधानं जवे, राजा वाजिनमारुरोह स-कलं युक्तं प्रशस्तैर्गुणैः ॥१६।। [शार्दूलवि०]
25
१. उत्सुकः । २. प्रभातकार्याणि । ३. व्याप्त ।
D:\amarata.pm5|3rd proof
