________________
ऋषिदत्ताचरित्रे प्रथमोल्लासः ॥]
[१११ धात्रीभिर्लाल्यमानोऽसौ समभूत् पञ्चहायनः । पित्राऽस्य चिन्तिता लेखशालाकरणयोग्यता ॥३४॥ पूर्वं तैलाभिषिक्तोऽसौ, विधिप्रथितमज्जनः । क्लृप्तदिव्यांऽशुकाऽऽकल्पः प्रणताऽनेकसज्जनः ॥३५॥ महाऽगण्यसद्रत्नप्रयत्नकृतशेखरः । हाराऽर्धहार-केयूर-मुद्रिकाऽङ्गदमण्डनः ॥३६।। संसृष्टमङ्गलाचारः, कृतशान्तिक-पौष्टिकः । शुभक्षणे कृताऽक्षीणक्षणः स्फारसमीक्षणः ॥३७।। पवित्रशतपत्रादिसुमनोदाममण्डितः । धृताऽऽतपत्रः श्रीपात्रं, सश्रीकश्रीकरीश्रितः ॥३८।। चलच्चामरयुग्मेन वीज्यमानस्फुरत्तनुः । गर्जद्गजसमासीनः सुमनस्सत्परिच्छदः ॥३९।। सत्यजात्यमहामात्य-भृत्य-सामन्तसङ्गतः । श्रेष्ठश्रेष्ठिविशिष्टेष्ट-प्रकृष्टस्पष्टवैभवः ॥४०॥ गीयमानः कुलस्त्रीभिः, पीयमानः पुरन्ध्रिभिः । बन्दिभिः स्तूयमानश्च, वर्ण्यमानश्च वेदिभिः ॥४१॥ भेरिभुङ्गलभातारैः, स्फारनि:स्वाननिस्वनैः । प्रोत्तालतालकंसालैः, स्वरमण्डलमण्डलैः ॥४२।। रणत्तूरमहापूरपटहप्रकटारवैः । श्रृङ्गो पाङ्गैर्मृदङ्गादिनृत्यन्नर्तकपेटकैः ॥४३।। नानाऽनवद्यवाद्यौघाऽऽडम्बरैर्गर्जदम्बरैः । पित्राऽयं स्थापितो लेखशालायां नव्यलेखवत् ॥४४॥ [दशभिर्विशेषकम्] उपाध्यायान्तिकेऽभाणीत् शस्त्र-शास्त्रकला: कलाः । विदग्धः सर्वविद्यायां चाणाक्ये चतुराशयः ॥४५।।
१. आभूषणः वेषभूषा वा । २. कृताः अक्षीणाः क्षणा:-उत्सवाः यस्मै सः । ३. दर्शनः । ४. निशानडंकानो अवाझ । ५. सींगु । ६. उपांगवाद्यैः । ७. समूहैः । ८. लेखशालायांछात्रपठनशालायां पक्षे देवसभायाम् । देवाः....लेखाः....। [अ.ना.मा.१-८८] ९. नव्यो यो लेखोदेवो, देवैः संभूय यथा स्थाप्यते ।
D:\amarata.pm53rd proof
