________________
5
10
15
20
१०२]
[ ऋषिदत्ताचरित्रसंग्रहः ॥
मिच्छत्तं होऊणं [ ? ] पावइ, जइ कह वि जिणमयं धम्मं । निद्दलियपावपुंजो जीवो गच्छेइ तो मोक्खं" ॥९५॥ इय सोऊणं धम्मं, गहिया बहवेहिं तत्थ पव्वज्जा । अन्ने य देसविरया, संजाया भद्दभावा य ॥९६॥
इय एवमाइ धम्मं, कहिउं, सा भगवई वि रिसिदत्ता । अण्णत्थ समोसरिया, बहु साहुणिसंजुया संती ॥९७॥ बोहिंती भवियजणं, पयडंती जिणमयं वरं धम्मं । बहुसाहुणीसमेया, विहरइ सा भरहखेत्तम्मि ॥९८॥ केवलिपज्जायं पालिऊण खविऊण सेसकम्माई | संपत्ता रिसिदत्ता मोक्खं अजरामरं सहसा ॥९९॥ नमिजिणवरिंदतित्थे, एया 'सिद्ध'त्ति भगवइ तइया । आसोयपंचमीए सुद्धाए दिणावसणम्मि ॥१००॥ सोऊण मोक्खगमणं, रिसिदत्ताए तुम्हे वि होह सया । चरण - करणेसु जुत्ता, मोक्खं पावेहं जं अइरा ॥ १०१ ॥ इय रिसिदत्ताए चरिए, पवरऽ क्खरविरइए वरे रम्मे । गुणपालविरइयमि पंचमपव्वं सम्मत्तं ति ॥ १०२॥
जह सेणियपुट्ठेणं जगगुरुणा साहियं ति वीरेणं । तह किंपि समासेणं, मए वि किल साहियं एयं ॥ १०३ ॥
सोऊण तु एयं पालह, जिणवीरभासियं वयणं ।
पावेह जेण अइरा, कम्मं डहिऊण मोक्खं ति ॥१०४॥ इय कुणमाणेण इमं पत्तं, जं किं चि वि एत्थ मे पुणं । पुणेण तेण पावह तुभे अयरामरं ठाणं ॥ १०५ ॥
D:\amarata.pm5\3rd proof
