________________
रिसिदत्ताचरिए पंचमं पव्वं ॥]
[९७ अह जायजाइसरणा, सा चिंतेउं इमं समाढत्ता । खणभंगुरे सरीरे, पेच्छ पमाओ इमो मज्झ ॥३७।। जं लहिऊण य धम्मं, जिणपण्णत्तं इमं मए विमलं । तह वि पमायपराए परस्स आलं विइण्णं ति ॥३८।। लहिऊण य पव्वज्जा, तह वि य सल्लेण तवो मए वित्तो । तेणऽज्ज वि संसारे, भमामि हं दुक्खपउरम्मि ॥३९।। अह भणिओ गुरू तीए ‘भयवं ! एवं' ति जह तुमे भणियं । जाइसरणेणं इम, उवलद्धं, सामि ! मे सव्वं ॥४०॥ कणगरहो वि य एवं, सुणिउं रिसिदत्तासंतियं चरियं । निययम्मि मणे एवं, चिंतेउं एवमाढत्तो ॥४१॥ पेच्छ इमो संसारो, अईव कुडिलो ममं ति पडिहाइ । जेणेरिसी अवस्था पत्ता रिसिदत्तजीवेणं ॥४२॥ एवं चिंतिऊणं, गुरुणो नमिऊण तह य पयकमलं । विण्णविओ तेण गुरू, सामि ! मम देसु पव्वज्जा(ज्ज) ॥४३॥ रिसिदत्ता वि य नमिउं भणइ गुरुं निययदुक्खपरिभीया । जइ हं सामिय ! जोगा, ममं पि ता देसु पव्वज्जा(ज्ज) ॥४४।। गुरुणा वि भणियाई देवाणुपियाई ! मा कुणह खेवं । संसारसहावं, जाणिऊण थोवं तुम्हेऽत्थ ॥४५।। ठविऊण य सीहरहं पुत्तं, रज्जम्मि कणगरहराया । रिसिदत्ताए सहिओ, पव्वइउ गुरुसयासम्मि ॥४६।। अण्णे वि तत्थ बहवे, पव्वइया के वि सावया जाया । धम्मं सोऊणऽण्णे, दंसणमग्गं च पडिवन्ना ॥४७॥ रिसिदत्ता वि य गुरुणा, पव्वावेउं समप्पिया विहिणा । बहुसाहुणीसमेया, सुंदरगणणीए अज्जाए ॥४८।। विहरइ य गुरुसमेओ, कणगरहो, सा वि साहुणिसमेया । गुरुणी आमण्णेणं, संजमजोगं कुणेमाणी ॥४९।।
___15
25
D:\amarata.pm5\3rd proof
