________________
९६]
[ऋषिदत्ताचरित्रसंग्रहः ॥ संसारि भमंतीए, तं कम्मं वेइयं तुमे बहुयं ।। पत्ताणि य दुक्खाई बहूणि तक्कम्मजणियाणि ॥२४॥ किंचावसेसमेत्तम्मि य कम्मम्मि तं पुणो जाया । तत्थेव य गंगपुरे, नरिंदधूय त्ति होऊण ॥२५॥ लद्धो ते जिणधम्मो, सामण्णं तह य पालियं तइया । वित्तो य तवो विउलो, किंतु सकवडो तुमे तइया ॥२६।। तं च न गुरुणो कहियं, न निंदियं तयं तुमे कवडपावं । अणसणविहिणा मरिउं उववण्णा देवलोयम्मि ॥२७॥ ईसाणिंदस्स तुमं जाया, जाया कप्पम्मि चेव बीयम्मि । अग्गमहिसि त्ति होउं, देवी परमेण रूवेण ॥२८॥ भोत्तूण तत्थ भोए, ईसाणिंदेण सह तुमे तइया । आउक्खयम्मि चविउं, उववण्णा एत्थ भरहम्मि ॥२९॥ मत्तियावइनयरीए. हरिसेणो(ण)राइणो पियमईए] । पागत्तम्मि समुप्पण्णा, जाया तह य आसमपयम्मि ॥३०॥ रिसिदत्ता तुह नामं कयं च पिउणा मया य तुह माया । दिण्णा य तुमं पिउणा, रण्णे कणगरहरायाणो ॥३१॥ तं च तुब्भे संसारे, एत्थ भमंतीए खोडियं कम्मं । किं चावसेसमेत्तं, एत्थ भवे तं उइण्णं ति ॥३२॥ सोऊण इमं सव्वं ईहापोहं तओ उ कुणमाणी । उप्पण्णजाइसरणा, ‘धस'त्ति मुच्छागया पडिया ॥३३॥ चंदणजलेण सित्ता, चेलुक्खेवेण दिण्णपडिवाया । जाया पुणो विसत्था, रिसिदत्ता थोयवेलाए ॥३४॥ कणगरहेणं पुट्ठो, नमिऊण गुरू, जहा किमेयं ति । गुरुणा वि तस्स कहियं जहा-फुडं एहिं वयणेहिं ॥३५॥ सुणिऊण निययचरियं, ईहापोहं तओ य कुणमाणी । उप्पण्णजाइसरणा एसा मुच्छागया पडिया ॥३६॥
D:\amarata.pm5\3rd proof
