________________
5
10
15
20
25
९२ ]
[ ऋषिदत्ताचरित्रसंग्रहः ॥
अवहीए जा जोयइ, पुव्वभवं ताव पेच्छए सहसा । नवकार-अणसणेणं, जाणइ ह से कओ कालो ॥ २४४॥ पत्तं मया महंतं, जिणधम्माओ महापभावेणं । देवत्तं पुण्णेहिं, नवकारपभावेणिएहिं ॥ २४५॥ चिंतेऊणं एयं, नियए हिययम्मि सुरवरो तत्थ । सहसा उट्ठेइ तओ जिणनवकारं कुणइ तुट्ठो ॥ २४६ ॥ "जय कोह- माण-मय- मोहमुक्क ! जय भवियबोहणजिणंद ! । जय माणहत्थमद्दण ! जय केवलणाणदिवसयर ! ॥२४७॥
जय सयलजंतुबंधव ! जय जय मूढाण पंथवरदेस ! ।
जय भवियकुमुयबोहण ! जय जय संसारउत्तार ! ॥२४८॥ जय जीवाजीवपयासगवीर ! जय पुण्ण-पावभयमुक्क ! | जय सरणागयवच्छल ! जय सासयसोक्खपत्त ! ॥ २४९ ॥ जय जय सुरासुरसंथुय ! जय जय भवियाण मोक्खपहदेस ! । जय मयलंछणवज्जिया, जय केवलनाणसंपत्त !" ॥ २५० ॥
इय एवं चक्कलयं, पढिऊणं नमइ चरणवरजुयलं । भत्तिभरनिब्भरंगो जिणाण वरकेवलधराणं ॥ २५९ ॥ अह नमिऊण जिणिदे, उवओगं जाव देइ रिद्धीए । तो पेच्छइ लवमाणं जुवइजणं महुरवयणेहिं ॥ २५२॥ 'तं अम्हाणं सामी' उववण्णो सुकयकम्मपब्भारो । ता भुंज वरे भोए रमणीए तं जहिच्छाए ॥ २५३ ॥ नीलमणिभित्तिघडिए, वेरुलियमाइरयणकब्बुरिए । एए तुह वरभवणे, ता कीसलु सामि ! जहइच्छं ॥२५४॥ अह सो वि कीलमाणो जुवइजणेणं समं वरविमाणे । पेच्छणयविहाणेण य, कीलंतो गमइ कालं ति ॥ २५५ ॥
सो एवं कीलंतो, गमेइ बहुयाई तत्थ अयराइं । वरभोगतग्गयमणो, गयं पि कालं न याणइ ॥ २५६॥
D:\amarata.pm5\3rd proof
