________________
९०]
[ऋषिदत्ताचरित्रसंग्रहः ॥ एसो पुण जिणधम्मो चिंतामणि-कप्परुक्खमत्तहिओ । न कुणइ जो इहं मूढो, सो सोयइ कुगइपहपडिओ ॥२१८॥ लभ्रूण वि मणुयत्तं, न कुणइ जो जिणमयं वरं धम्मं । गोसीसचंदणं सो इंगालकएण इह डहइ ॥२१९॥ मणुयत्ते वि नरो पत्ते न हु कुणइ जिणमयं धम्मं । सो उयहिमज्झवडिओ, लोहकए हणेइ वरनावं ॥२२०॥ लद्धे वि मणुयजम्मे, न कुणइ जो एत्थ जिणमयं धम्म । कप्पूरतरुवरेहि, वित्तिं कोद्दाण सो कुणइ ॥२२१॥ माणुसजम्मं लहिउं, संजम-जोएहिं कुणइ जो न हियं । रयणमयथालियए खलपायं पयइ सो मूढो ॥२२२॥ लहिऊण मणुयजम्मं जो जिणधम्मे न उज्जुओ होइ। सो चिंतामणिरयणं सुत्तनिमित्तं विणासेइ ॥२२३॥ जो मूढो मणुयत्तं, लभ्रूण य इंदियाण वसवत्ती। न कुणइ जिणमयं धम्मं, सो सोयइ कुगइ पहपडिओ ॥२२४॥ जो पुण लहिउँ एयं सिक्खावयग-गुणव्वएहिं संजुत्तो। पंचाणुव्वयधारी, सो सहलं कुणइ मणुयत्तं ॥२२५॥ तो मरणभउव्विग्गे जीवे न हणइ काय-वाएहिं। सम्मट्ठिी जीवो सहलं मणुयत्तणं तस्स ॥२२६॥ जो अलियवायविरओ सावज्जं, सच्चयं पि नो वयइ । जिणवरधम्मम्मि ठिओ, मणुयभवो तस्स इह सहलो ॥२२७॥ जो परदव्वं वज्जइ, मणसा वायाए तह य काएणं । नाणे य सया जुत्तो, माणुस्सं तस्स इह सहलं ॥२२८॥ परदारम्मि य विरओ, अट्टमिमाईसु बंभचेरजुओ। सम्मत्तभावियमणो मणुयभवं कुणइ इह सहलं ॥२२९॥ गो-महिसिमाइयाणं, परिमाणं कुणइ जिणमयम्मि ठिओ। दंसणसुद्धो जीवो, मणुयत्तं तस्स इह सहलं ॥२३०॥
15
25
D:\amarata.pm5\3rd proof
