________________
रिसिदत्ताचरिए चउत्थं पव्वं ॥]
[८७ इह खणमेत्तेणं सो, नरए उववज्जए महापावो । अह उप्पण्णाणंतर दीसइ सो नरयपालेहिं ॥१७९॥ छयण-भेयण-ताडण,-उक्कत्तण-फालणाई सो तत्थ । पावेइ महापावो, निरयपालेहिं जणियाइं ॥१८०॥ खलुक्कत्तणं तह नास-च्छेयणं, फालणं तहंगाणं । पाविति अकयपुण्णा निरयपालेहिं जणियाई ॥१८१॥ छेत्तण तस्स मंसं.पणो वि वयणम्मि तस्स य खिवंति । रे खासि, तुज्झ इटुं, मंसं जं पाव ! अण्णभवे ॥१८२॥ तंबं तउयं तविउं खिवंति वयणम्मि तस्स ते रुट्ठा । भणिऊणं तं पियसु एयं, मज्जं तुह आसि रे ! इटुं ॥१८३॥ लोहित्थि तविऊणं अवरुंडाविति ते नरयपाला । भणिऊण आसि इष्टुं परदारं रे ! तुहं पाव ! ॥१८४॥ 'कर-कर-कर'त्ति करवालफालिया, 'छर-छर-छर'त्ति छुरियाहिं । 'खण-खण-खण'त्ति खग्गेहि-ताडिया झत्ति निवडंति ॥१८५॥ 'हण-हण-हणत्ति हम्मंति, पाविणो 'तङ-तड-तड'त्ति फुटृति । 'हा-हा-ह-ह'त्ति जपंति दुक्खिणो दुक्खसंतत्ता ॥१८६॥ 'चर-चर-चरत्ति चुणिति पीडिया, 'छम-छम-छम 'त्ति छुम्मति । 'कढ-कढ-[ कढ]काढेंति काढि-पाणिए अग्गिवण्णम्मि ॥१८७॥ 'टस-टस-टस'त्ति भज्जंति, संधिणो 'भस-भस-भस'त्ति विज्झंति । 'डह-डह-डह'त्ति भणिउं डझंति पुणो पुणो तत्थ ॥१८८॥ इय एवं ते बहुहा सिंवलि-वेयरणि-कुंभिमाईसुं । असिवणपत्तेहिं तहा, नरए हम्मंति बहुपावा ॥१८९॥ नरया पुण बहुभेया बहुवण्णा बहुदुहा य बहुकोवा । बहुपूय-वसाकलिया, सत्तसु पुढवीसु बहुभेया ॥१९०॥ एक्क-त्ति-सत्त-दह-सत्तरस तह य बावीसा । तेत्तीसा अयराणं, होइ ठिई नारयाणं तु ॥१९१॥
15
20
25
D:\amarata.pm5\3rd proof
