________________
[८५
रिसिदत्ताचरिए चउत्थं पव्वं ॥]
रण्णा वि इमं सोउं . .................वित्तस्स । दाऊणं संचलिओ वंदणवत्तीए सो गुरुणो ॥१५३॥ नायरजणो य सव्वो गुरुचलणवंदणनिमित्तं । रण्णा सहिओ सव्वो संपत्तो तम्मि उज्जाणे ॥१५४॥ नायरजणसहिएणं रण्णा गंतूण वंदिओ य भयवं । गुरुणा वि धम्मलाहो दिण्णो गुरुकम्मखयकारी ॥१५५।। हेमरहो वि सव्वे, वंदेउं साहूणो पुणो । राया गुरुणं चरणासण्णो गंतुं धरणीए उवविठ्ठो ॥१५६।। रिसिदत्ता वि य गंतुं, सहिया अंतेउरेण गुरुचरणे । गंतूणं सा वंदइ जहक्कम सव्वसाहू ति(साहु त्ति) ॥१५७।। उवविट्ठा य धरणियले पुणो वि गुरुचलणवंदणं काउं । गुरुणा वि य पारद्धा धम्मकहा महुरवयणेहिं ॥१५८।। "सम्मत्तनाण-दसण-चरणाणं मोक्खमग्गहेऊणं । तवनियमसंजुया, परूवणा तह य पारद्धा ॥१५९॥ पंच य महव्वयाइं तिण्णि य गुत्तीओ पंचसमिइओ। दसभेओ जइधम्मो परूविओ तेण तह गुरुणा ॥१६०॥ नरयगई तिरियगई पुण, मणुयगई तह य चेव देवगई। पत्थिव ! तारि गइओ, हवंति लोयग्गवज्जाओ ॥१६१॥ अह नरवइणा भणियं, भयवं ! वच्चंति केण कम्मेणं । नरयगईए जीवा, दुक्खं तह केरिसं ताण ? ॥१६२॥ नरयाउयम्मि तुट्टे तिरियत्तं कह पुणो वि पावंति । मणुयत्तं देवत्तं कह सिद्धत्तं वि पाविति ॥१६३॥ एवं नरवइपुट्ठो भगवं गंभीर-महुर निग्योसो। कहिऊण समाढत्तो इमेहिं वयणेहिं आयरिओ ॥१६४॥ काऊण पावकम्मं, पाणी तह बंधेऊण नरयाउं। नरयाणुपुब्वियाए वच्चइ सो कड्डिओ नरए ॥१६५॥
D:\amarata.pm5\3rd proof
