________________
रिसिदत्ताचरिए चउत्थं पव्वं ॥ ] भणियं च
[ ८३
“खणदिट्ठ-नट्ठविहवे, खणपरिघट्टंतविविहसुख- दुक्खे । खणसंजोग - विओगे, न त्थि सुहं किं पि संसारे" ॥१२८॥ [ ] जावेवं सो चितइ, भावं नाऊण ताव रिसिदत्ता । कणगरहं वयणेहिं, इमेहिं भणिउं समाढत्ता ॥ १२९॥ एयस्स इमं सारं, पिययम ! खणभंगुरस्स देहस्स । जं जिणऽक्खाओ धम्मो, इमेण कीरइ सहावेणं ॥ १३० ॥ मोत्तूणं जिणधम्मो, न अत्थि संसारदुक्खतवियाणं । सरणं इह पाणीणं, अण्णं तइलोयमज्झमि ॥१३१॥ ता जइ इमेण कीरइ खणमवि खणभंगुरेण देहेण । एसो जिणवरधम्मो, एत्थ य, तो किं न पज्जत्तं ॥ १३२॥ ईसि हसिऊण भणिया, रिसिदत्ता राइणा - पिए ! एवं | जं भणियं तुज्झेहिं, न अण्णहा होइ एवं ति ॥१३३॥ जावेवं(जा वेलं) वेरग्गयकहाहिं दो वि य गमंति तत्थ ठिया । ता सूरो अत्थमणं, गयणं कमिऊण संपत्तो ॥ १३४॥ अत्थमणगए सूरे, संपत्ता रक्खसी अईवघोरा । बहलतमउत्थरंती दुज्जणवयणं व रयणि त्ति ॥ १३५ ॥ कयआरित्तियकम्मो, सेविज्जंतो य पयइवग्गेण । गमिऊण पहरमेत्तं, सोवणए संठिओ राया ॥ १३६ ॥ रिसिदत्ताए सहिओ, वेरग्गकहाहिं गमेइ जा रयणी (णि) । ता संपत्ता निद्दा दोण्ह वि रयणीए पच्चऽद्धे ॥१३७॥ रयणीऽवसेसमेत्ते निद्दखए जाव चिट्ठए राया । जामइएणं वित्तं तावेव गाइयं तत्थ ॥१३८॥ "जन्मेदं न चिरायु भूरिभवदा लक्ष्म्योऽपि नैव स्थिराः, किंपाकान्तफला नितान्तकटवः कामाः क्षणध्वंसिनः । आयुः शारदमेघचञ्चलतरं, ज्ञात्वा तथा यौवनं;
हे लोकाः ! कुरुताऽऽदरं प्रतिदिनं धर्मेऽघविध्वंसिनि" ॥१३९॥ शा.वि. ॥
D:\amarata.pm5\3rd proof
5
10
15
20
25
