________________
८२]
[ऋषिदत्ताचरित्रसंग्रहः ॥ पत्तो य जोव्वणं सो गहिआओ कलाओ सव्वाओ तेण । धणुवेयमाइयाओ इट्ठो सो अईव रायस्स ॥११५।। वोलीणे बहुकाले अण्णम्मि दिणे वियालवेलाए ।
राया सुहासणगओ चिट्ठइऽवलोयणऽट्टाले ॥११६।। 5 [मेघवृन्दं दृष्ट्वा कनकरथ-ऋषिदत्ताया वैराग्यम् ]
रिसिदत्ताए समेओ चिट्ठइ सो तत्थ जा पियकहाहिं । सारईयमेहवंदं ता पेक्खइ गयणमज्झम्मि ॥११७।। दट्ठण मेहवंदं घणकसिणं जा निरिक्खए राया । पुण्णक्खए व लच्छी, ता तं पवणाहयं नटुं ॥११८।। दट्ठण तं विलीणं राया चिंतेइ निययहिययम्मि । खणभंगुरा पयत्था सव्वे वि इमे सरीराई ॥११९।। जह व क्खणमेत्तेणं एयं पवणाहयं विलीणं ति । तह एयं पि सरीरं जाइ धुवं, नऽत्थि संदेहो ॥१२०॥ जह एयं आयासे खणदिटुं तक्खणेण य विणटुं । एसा वि तहा लच्छी होही खणभंगुरसहावा ॥१२१।। नटुं जह दीसंतं घणऽब्भवंदं इमं खणेण नटुं । एसो वि बंधुवग्गो नासइ तह न त्थि संदेहो ॥१२२॥ [ज]इ एस मेहवंदं समीरणपेरियं ति विणलृ ति । तह खणअद्धऽद्धेणं दारं पि न वट्टइ वसम्मि ॥१२३॥ घणकसिणं जह एयं, नटुं वंदं खणेण मेहाणं । तह एस पुत्तवग्गो, हवई खणभंगुरसहावो ॥१२४।। बहलं पि मेहवंदं जहा विलीणं इमं खणद्धेणं । एयं पि तहा रज्जं हवइ य खणदिट्ठ-नटुं ति ॥१२५।।
अथिरं चलं अणिच्चं पवणाहयमेहवंदसारिच्छं । 25 खणदिलु खणनटुं संसारसुहं पि एवइयं ॥१२६।।
खणभंगुरे अणिच्चे, संसारसुहम्मि, कुणइ जो तण्हं । कम्मेण चोइओ सो पावइ दुक्खं न संदेहो ॥१२७।।
D:\amarata.pm5\3rd proof
