________________
[८१
रिसिदत्ताचरिए चउत्थं पव्वं ॥]
जे के वि कूरकारी दुहा पासंडिणो कुमारेणं । कुविएणं नयराओ, सिग्धं निद्धाडिया सव्वे ॥१०२।। कुमरो वि पिया सहिओ, भुंजइ भोए अईवमणइटे।
हेमरहो वि य रज्जं, पालइ परमाए नीईए ॥१०३॥ [हेमरथनृपस्य प्रव्रज्यास्वीकारम् ]
वोलीणे बहुकाले, अण्णम्मि दिणम्मि तम्मि नयरम्मि । संपत्तो चउनाणी भद्दजसो नाम आयरिओ ॥१०४।। बहुसाहूपरियरिओ, आगंतुं नयरदाहिणदिसाए । कुसुमवणे उज्जाणे, समोसढो फासुए देसे ॥१०५॥ नाऊण समोसरियं, राया हेमरहो पुरजणसमेओ । गंतूणं तं वंदइ, आयरियं परमभत्तीए ॥१०६।। तेण वि य धम्मलाभो, दिण्णो कम्मट्टगंट्ठिनिद्दलणो । भवसयसहस्समहणो, अचिंतचिंतामणिसरिच्छो ॥१०७।। लद्धासीसो य राया, उवविठ्ठो चलणअंतिए तस्स । गुरुणा वि पुच्छिओ सो कुसलपउत्तिं सरीरस्स ॥१०८।। नाऊणं अवहीए ‘एसो पडिबुज्झइ' त्ति तो गुरुणा । पारद्धा य धम्मकहा, कहिओ जिणिंददेसिओ धम्मो ॥१०९॥ पडिबुद्धो सो राया, ठविउं निययासणम्मि कणगरहं । पव्वइओ तस्संते, विहरइ तस्सेव पासम्मि ॥११०॥ कणगरहो वि राया, धम्मं सोऊण सावगो जाओ । रिसिदत्ताए सहिओ, साहूणं पूयणरओ य ॥१११।। पालेइ सो रज्जं, जाया पच्चंतनरवई सव्वे । आणापडिच्छगा से साहिया तह य वहवसहा ॥११२।। अह ते पुणो वि पाणा नियए रज्जम्मि अत्थदाणेणं । पूएऊणं अकरा कणगरहेणं कया सव्वे ॥११३॥ जाओ रिसिदत्ताए पुत्तो सुकुमालपाणि-पाओ त्ति । मासे पूरे पिउणा, सीहरहो से कयं नामं ॥११४।।
20
25
D:\amarata.pm5|3rd proof
