________________
८०]
[ऋषिदत्ताचरित्रसंग्रहः ॥ कुविएणं कुमारेणं, सा वि य काऊण अट्ठियाहरणं । पव्वाया खररूढा, भमाडिया नयरिमज्झेणं ॥८९॥ वज्जंतडिडिमेणं, कप्पियकण्णो-ट्ठ-नासिया काउं । निव्विसया आणत्ता, न मारिया 'इत्थिया काउं' ॥९०॥ सा वि कुविएण भणिया, कुमरेण रूविणी तुमं पावे ! । वच्चसु जणयस्स गिहे, नत्थि य कज्जं तुमे मज्झ ॥९१।। रिसिदत्ताए कुमरो, तव्वेलं सो वरेण विन्नविओ । पिययम ! पयच्छसु मम विणिच्छिओ जो वरो तुमए ॥१२॥ कुमरेणं सा भणिया, मग्ग पिए, देमि सो वरो तुज्झ । नियजीयं पि अवस्सं, देमि अहं न त्थि संदेहो ॥९३।। रिसिदत्ताए भणिओ, एसा मम रूविणी तुमे दइया । चित्तेणं दट्ठव्वा, न अण्णहा देसु मम वरमेयं ॥९४।। मम पाणदायगाणं ताण वि पाणाण अज्जउत्त ! तुमे । कायव्वं पाणदाणं, तेण वि य 'तह'त्ति पडिवण्णं ॥९५।। जाया य ताण पीई, सवईणं परोप्परं अइमहंता ।
कमरो ताहिं समेओ, संदरपाणीण(णिणा) उवचरिओ ॥९६।। [ऋषिदत्ता-रुक्मिण्या सह कुमरस्य स्वनगर्यागमनम् ]
सोहणदिणम्मि चलिओ, घेत्तुं रिसिदत्त-रूविणिं कुमरो । सो नियनयराभिमुहं, सहिओ नियएण सेण्णेणं ॥९७।। अणवरयपयाणेहिं, पत्तो रहमद्दणम्मि सो नयरे । गुरुविहवेण पविट्ठो, पविसेउं पणमिओ राया ॥९८॥ पडियाओ सुण्हाओ, दो वि य चलणेसु ससुर-अत्ताणं । समइच्छि(त्थ)याओ तेहिं दोउं आसीसवायं ति ॥९९।। परमत्थं नाऊणं रिसिदत्ता पूइया ससुरेणं । अंतेउरसहिएणं, खमाविया तह य सा तेणं ॥१००॥ तेसिं चंडालाणं हेमरहो कुणइ अत्थदाणं तु । कुमरेण वि तुटेणं, दिण्णं तेसि विउलं दाणं ॥१०१॥
D:\amarata.pm5\3rd proof
