________________
[७९
रिसिदत्ताचरिए चउत्थं पव्वं ॥]
कुमरेण रिसी भणिओ, विणासिया जा जणस्स पच्चक्खं । सा कत्तो रिसिदत्ता, जीयंती दंससि तुमं ति ॥७६।। रिसिणा भणिओ कुमरो, जीवइ निस्संसयं तु सा कुमर ! । किं तु तुमं देसु वरं, जेण य दंसेमि सा तुज्झ ॥७७।। तो सो विम्हियहियओ सकोउगो भणइ तं रिसिकुमारं । नत्थि तुह जं अदेयं इहरा वि हु एत्थ तइलोए ॥७८।। जइ पुण दंसेसि दइया(यं) तो हं नियजीवियं पि ते देमि । किं तं रिसिवर ! न मुणसि, मम चित्तं जेणिमं भणसि ॥७९॥ अह सो रिसिणा भणिओ, आगच्छसु पुरवरिम्मि पविसेहि । जेण तुमे रिसिदत्ता(त्तं) दंसेमि अहं वरकुमार ! ॥८०॥ 'नो अण्णह'त्ति वयणं, रिसिणो, मुणिऊण सो वरकुमारो । नयरम्मि संपविट्ठो, गओ य निययम्मि आवासे ॥८१॥ तत्थ य गयस्स रिसिणा, कहियं सव्वं पि निययवुत्तंतं । पुरवरजणपच्चक्खं, जं वित्तं पाणमुक्काए ॥८२॥ सोऊण पुरवरिजणो सहिओ राएण तह कुमारेणं । चरियं रिसिदत्ताए ‘गरुयऽच्छेरं'ति संपत्तो ॥८३।। गहिउं जणपच्चक्खं, रिसिणा कुमरस्स संतियं छुरियं । फालेऊण ति उरं पकड्डिया तेण सा गुलिया ॥८४॥ जाया य तक्खणं चिय सहावरूवेण सा वरा बाला । णाया य कुमारेणं एसा सा मज्झ दइय ' त्ति ॥८५।। पत्तो य विम्हयं सो नयरिजणो रायकुमरसंजुत्तो । दट्टण तीए चरियं, सारिच्छं देवचरिएणं ॥८६।। दट्ठण य तीए रूवं नयरिजणो एवं भणिउमाढत्तो । अवसेण मरइ कुमरो ईएए बालाए विरहम्मि ॥८७।। तुट्ठो य तीए लंभे, कुमरो आणंदिओ य सयलजणो । हाय-विलत्ता काउं, गहाविया सयलमाहरणं ॥८८।।
25
D:\amarata.pm5\3rd proof
