________________
5
10
15
20
25
७८
[ ऋषिदत्ताचरित्रसंग्रहः ॥
अह लोएणं भणिओ, एयम्मि खणे रिसी पणमिऊणं । सामिय ! कुणसु पसायं, मरमाणो एस, धरसु तुमं ॥६३॥ ‘एसो तुज्झ अवस्सं वयणं नो लंघए रिसिकुमार !' । भणिऊण इमं वयणं, पडिओ चलणेसु सो राया ॥६४॥ कुमरो रिसिणा भणिओ, कीस तुमे साहसं इमं कुमर ! | पारद्धं ति अयंडे, विउसजणदुगंछियं यं ॥ ६५ ॥ जइ तं काउंकामो एरिसकम्मस्स तो अहं कुमर ! | कीस तुमे आणीओ वरस्स तस्सासमपयस्स ॥६६॥ ठाहेसि कस्स इण्हि आणेउं तं कुमर ! मं एत्थ । ता उवसम एयाओ, मरणाओ तं वरकुमार ! ॥६७॥ अन्नं पि कहसु एयं, कुमार ! किं मरणकारणं तुझं । कुमरेण वि निस्सेस, तं कहियं रिसिकुमारस्स ॥६८॥ भणिओ य रिसी तेणं रिसिवर ! मा कुणसु किंपि तं गाहं । मरणम्मि निच्छिओ अहं, अवस्सं मए अज्ज मरिअव्वं ॥ ६९ ॥ रिसिणा कुमारो भणिओ - अत्थि तुमे एत्थ को वि उवयारो ? | होही को वि गुणो वा, जेण तुमं कुणसि मरणं ति ॥७०॥ कुमरेण वि सो भणिओ, एम गुणो जं अहं मरेऊणं । संपावेमि अवस्सं, जा य गई, तीए संपत्ता ॥ ७१ ॥
ता रिसी वच्चसु सिग्घं, तवोवणं, मे कुया उ संणिट्ठा ? । कहसु य पओयणं मे संपाडेमि जेण, तं तुज्झ ॥७२॥ निच्छ[य]म्मि ठिओ य अहं, साहेयव्वो इमो मया जलणो । मा किं पि भणसु रिसिवर ! पाएसु अहं तुह पडिओ ||७३|| भणिऊण इमं कुमरो, पडिओ चलणेसु रिसिकुमारस्स । नाऊण निच्छयं से रिसिणा कुमरो इमं भणिओ ||७४|| जलणपवेसेण अलं, सा रिसिदत्ता तुमे इह भवम्मि | दंसेमि कुमार ! अहं, जीवंती एत्थ अज्जेव ॥७५॥
D:\amarata.pm5\3rd proof
