________________
७४]
[ऋषिदत्ताचरित्रसंग्रहः ॥ इमाइ करणिज्जे कयम्मि, अह वासरे समकंते । कयकोउयाइं दोन्नि, विहियाइ रयणीए सोवणए ॥११॥ कुमरो खणमवि विरहं न, खमइ रिसिसंतियं सहेउं ति । तव्वेलाए भणिओ, सद्दावेउं इमं वयणं ॥१२॥ नोज्जासु , एत्थेव तुमं सोवणए मुणिकुमर ! मे सहिओ । वच्चेइ जेण रयणी, सुहेण गोट्ठीए अम्हाणं ॥१३।। रिसिणा वि य सो भणिओ, कुमार ! तं वड्डिओ कहिं देसे ? । जो वहुसहिओ अ[ब्भत्थ ?]सि, नोज्जंतो बंभयारिं ममं ॥१४।। कुमरेण वि सो भणिओ, 'वहुयाए नत्थि मज्झ कज्जं'ति । एत्थ तुमे सोयव्वं, मुणिवर ! एक्कम्मि वासहरे ॥१५॥ अह पुण न एत्थ नोज्जसि, अहं पि नो रिसि ! सुयामि तो एत्थं । कुमरस्साणुवित्तीए, रिसिणा अब्भुवगयं कह वि ॥१६॥ ठवियं च एगदेसे अंतरियं जवणियाए सयणीयं । तम्मि ठिओ रिसिकुमरो, राजकुमरो वि अदूरसयणीए ॥१७।। सुचिरं कहाउ कहिउं, निदावसमुवगओ रिसुिकमारो । कुमरो वि य सह वहुएँ, अभिरमिऊणं पसुत्तो त्ति ॥१८॥ वोलीणा सा रयणी, बीयम्मि दिणे तहेवयं पसुत्तं । एवं वच्चंति दिणा, सो वि य रिसी सुवइ तत्थेव ॥१९।। वच्चंति जाव दियहा, रुप्पिणिकण्णाए सह कुमारस्स ।
तो पीइमं जाया, दोण्ह वि संवडिओ नेहो ॥२०॥ भणियं च"आलावाउ पेम्मं, पेमाउ रई, ईए विस्संभो ।
वीसंभाउ पणओ, पंचविहो वड्डए नेहो" ॥२१॥[ ] [रुक्मिणिकथनेन ऋषिदत्ताया अयशोऽपनीतः]
तं पि य पेच्छइ कुमरो, अभिक्खणं रुप्पिणीए पासम्मि । पविसती वच्चती पावा पावाइया तत्थ ॥२२॥ कामालावकहासु पवत्तमाणाण अण्णरयणीए । परिहासं काऊणं, भणिओ वहुयाए सो कुमरो ॥२३।।
D:\amarata.pm5\3rd proof
