________________
5
10
15
20
७२ ]
[ ऋषिदत्ताचरित्रसंग्रहः ॥
रिसिणा भणियं कज्जं नऽत्थि मे वच्छ ! किंचि वि गएणं । तं जेण रायपुत्तो अहं पि वणतावसो कुमर ! ॥२३१॥ ता अलमसगाहेणं मा मं वाहेह, तवेव वच्चामि । कुमरेण सो वि भणिओ, अहं पि नो जामि तुह वज्जो ॥२३२॥ होउ मम परिणिएणं, रिसिणा भणियं न चेव परिसि । नो वच्चामि अहं पुण, जं जाणह तं तुमं कुह ||२३३|| तो सो मंतिगणेणं, भणिओ नमिऊण रिसिकुमारो त्ति । पुव्विपि आसि विग्घं, जायं कुमरस्स इह सामि ॥२३४॥ इण्हि पि य मा विग्घं, होउ कुमारस्स तुह निमित्तेणं । ता सामि ! कुण पसायं, वच्चसु अम्हं दयं काउं ॥ २३५॥ कामं एण पहेणं पुण्णोग्गिनिस्सं सयं नियत्तामो । तं अम्ह नियत्ताणं, सामि ! अहिट्ठेज्ज पयमेयं ॥२३६॥ एवं ते भणमाणा, पडिया, चलणेसु सह कुमारेणं । रिसिणा वि य किच्छेणं पडिवण्णं एव भणिऊणं ॥ २३७॥ वच्चामि इयाणीहं, पुणो वि य पडियागयस्स मे विग्घं । जइ इह न कुणइ कुमरो, तेहिं वि एवं ति पडिवणं ॥ २३८ ॥ सीलपरिरक्खणमिमं, सोउं रिसिदत्तसंतियं तुम्हे । सीलपरिरक्खणपरो, होह सया य धम्मनिरया य ॥ २३९ ॥ इय रिसिदत्ताचरिए पवरक्खरविरइए तइयपव्वं । गुणपालविरयम्मि, तं गाहाबद्धं समत्तं ति ॥ २४०॥ ॥ छ ॥
D:\amarata.pm5\3rd proof
