________________
६४]
[ऋषिदत्ताचरित्रसंग्रहः ॥ नो हसइ नो य जंपइ, नो कीलइ नो करेइ करणीयं । एमेव सुण्णवुन्नो अच्छइ बालं विचितंतो ॥१२७॥ परिचत्तअण्ण-पाणो अवहत्थियसयलकज्जवावारो । अच्छइ जह व गइंदो विंझाओ पढममाणीओ ॥१२८।। सो लज्जिण पिउणा जणणीए तह य मंतिलोएणं । भुंजाविओ कुमारो किच्छेणं सत्तमदिणस्स ॥१२९॥ भुंजावि[ओ य सं]तो, अवहत्थियसयलकज्जवावारो । सो अच्छइ झायंतो, रिसिदत्तं एक्कचित्तेणं ॥१३०।। तो पुण विलेवणरहिओ सयणासण-ऽऽभरण[वज्जिरो] कुमरो ।
एमेव सुण्णवुण्णो अच्छइ जायं विचितंतो ॥१३१॥ [पितुराग्रहेण कनकरथस्य रुक्मिण्या सह परिणयाय प्रयाणम् ]
एवं वच्चइ कालो, अह वोलीणेसु केसु वि दिणेसु । कावेरिपुरवरीए, समागओ तत्थ दूओ त्ति ।।१३२।। हेमरहो विण्णविओ दूएणं-'देव ! अम्ह सामि'त्ति । भणइ मए नियधूया, दिण्णा तुह आसि पुत्तस्स' ॥१३३।। सा जोव्वणमणुपत्ता, जइ तीए तुम्ह अत्थि कज्ज'ति । ता नियपुत्तं पेसेसु, कीरउ से पाणिगहणं' ति ॥१३४॥ अह पुण अत्थि न कज्जं तो हं अण्णस्स सा(तं) पयच्छामि[मी] । जावेवं दूएणं, भणिओ ता भणइ हेमरहो ॥१३५।। किमहं एत्थ करेमी, आसि मए पेसिओ पुरा कुमरो । सो विहिवसेण वलिओ तावसकण्णं ति परिणेउं ॥१३६।। पुणरवि पेसेमि अहं, गच्छ तुमं कहसु तत्थ गंतूणं । वच्चइ एस कुमारो, सुंदरपाणिस्स रायस्स ॥१३७।। संपट्ठिओ य दूओ तीए पत्थाइयाए पट्ठविओ। लिहिऊण रुप्पिणीए लेहो एएण अत्थेणं ॥१३८।। "मुत्ति(त्ति) घडियं(य) ति कज्जं, वट्टइ थोवेवं सेसयं इण्हि । गंतूणं दूएणं, कहियं जं किंचि संदिलृ ॥१३९।।
15
20
25
D:\amarata.pm5\3rd proof
