________________
10
रिसिदत्ताचरिए तइज्जं पव्वं ॥]
[६३ दट्ठणं रिसिदत्तं समप्पियं ताण पाणपुरिसाणं । कुमरो मुच्छाविहलो, पडिओ धरणीए तो सहसा ॥११४।। चंदणजलेण सित्तो, पोत्तयवाएण लद्धपडिपाणो । गच्छइ पुणो पुणो चिय, मोहं सो तीए विरहम्मि ॥११५।। रयणीए मज्झरत्ते, चंदकिरणेहिं लद्धपडिपाणो । विलवेउं आढत्तो, इमेहिं वयणेहिं सो तत्थ ॥११६।। कसिण-घणकेसनिवहा पउमुप्पलपत्तनयणवरजुयला । हा विहि ! सा मम दइया, निग्घिण ! रे कत्थ अवहरिया ॥११७॥ वरकुंदकलियदसणा, वियसियसयवत्तइंदुसमवयणा । हा मम दइया बाला, हयविहि ! ते कत्थ अवहरिया ॥११८॥ उत्तुंगथणयवट्टा वच्छत्थलवित्थडा तिवलिमज्झा । हा पावकम्मकारिण ! मम दइया कत्थ अवहरिया ॥११९॥ वेल्लहलबाहलइया तणई मज्झेण नाभिगंभीरा । रे ! निग्घिणो सि तं विहि ! मम दइया जेण अवहरिया ॥१२०॥ वरकेलिगब्भसरिसा उरुहि, अइ कोमला धवलयच्छी । सु(मु)द्धसहावा बाला रे ! रे ! विहि कत्थ सा नीया ॥१२१॥ कुम्मुन्नयवरचलणा नहमणिकब्बुरियसयलदिसिविवरा । सा मम सासयभूया पावेण केण ? अवहरिया ॥१२२॥ वरकेलिगब्भवण्णा रिसिणा तुटेण मज्झ जा दिन्ना । संपइ केणऽवहरिया वरा दइया वल्लहा सा उ ॥१२३।। वरि से तीए वि समं जायं मरणं व मा इमं दुक्खं ।
तीए मरणेण कयं संतावं मज्झ हिययस्स ॥१२४॥ जेण भणियं"जीयं पि परित्थोवू चत्तारि नरेण रक्खियव्वाइं। नीरोगित्तं कलत्तं अरहस्सं अल्लपिसुणो य" ॥१२५॥[ ] इय एवमाइएहिं हाहारावगब्भिएहिं नयणेहिं । संतप्पिउं कुमारो पच्छा मोणं समल्लीणो ॥१२६॥
15
D:\amarata.pm5\3rd proof
