________________
६०]
[ऋषिदत्ताचरित्रसंग्रहः ॥ अण्णह परिचिंतिज्जइ, सहरिसकंदुज्जुएण हियएण । परिणमिज्जइ अण्णह, च्चिय कज्जारंभो विहिवसेण ॥७६।। जं चिंतिज्जइ हियएण, न य जुज्जइ य हेउजुत्तीहिं । विहडणसंघडणायरो, तं पि हयासो विही कुणइ ॥७७।। इय विहिविलसियसंतत्त-हियवया सोइऊण [वे]हाणं । चलिया पुणो वि बाला, पेच्छंती तं वणं भीयं ॥७८।। कत्थ वि गयसंभंता कत्थ वि सा सीहनायभयभीया । कत्थ वि सुण्णावुण्णा कत्थ वि एमेव संभंता ॥७९ ।। कत्थ वि चित्तयभीया, कत्थ वि वग्घेण तासिया बाला । कत्थ वि रूरूयभीया, 'धस'त्ति धरणीयले पडिया ॥८०॥ तो पेच्छड गयगंडे, भय-पिसाए य तत्थ रणम्मि । सीहकिसोरे घोरे, वणमहिसे तह वराहे य ॥८१।। तो सो तेसिं भीया, हरिणि व्व दिसोदिसं पलोयंती । उत्तसइ रुयइ विलवइ धावइ थक्कइ पलोएइ ॥८२॥ रूरु-चमर-सरह-सबर-रिच्छ-तरच्छ-ऽच्छ-भल्ल-चित्तलया । हरि-हरिण-दित्तसद्दूले पेच्छिउं तसइ सा बाला ॥८३।। गय-गवय-चित्त-गंडय-भुयंग-मज्जार-इल्लि-भल्लुंकी । सवर-पुलिंदा भिल्ला पेक्खेउं तसेइ सा बाला ॥८४॥ किं बहुणा भणिएणं ? तत्थ य रण्णे अईवसुविसाले । पवणेण पेरियाण वि पण्णाण वि तसइ सा बाला ॥८५॥ कत्थई भुक्खिय-तिसिया कत्थ वि सा वणफलाइं भक्खइ । कत्थइ गिरिगुहवडिया, कत्थ वि नइकच्छमज्झगया ॥८६।। रुक्खाण पद्धइए, वच्चंती सा कम्मेण संपत्ता । आसमपयम्मि रम्मे, जत्थ य संवद्धिया पुव्वि ॥८७।। तं चिरकालपसुण्णं दिटुं बालाए भीसणं घोरं । संभरिऊणं पिऊणो, तत्थ परुण्णा बहु बाला ॥८८॥
25
D:\amarata.pm5\3rd proof
