________________
५२]
[ ऋषिदत्ताचरित्रसंग्रहः ॥ एसा कुमरविउत्ता, काऊणं देव ! अज्ज रयणीए । जोवावेज्ज पहाए, पच्चइएहिं च पुरिसेहिं ॥२०१॥ तत्थ य किं पि अवस्सं, दट्ठणं रक्खसीएँ लिंगं ति । पत्तिज्जसि तमवस्सं, एयं सिटुं'ति मे सुमिणं ॥२०२।। भणिया य राइणेसा, 'वच्चह एयं' ति नाम पेच्छामि । एयं जं ते भणियं, गया य सा निययट्ठाणम्मि ॥२०३।। आगंतुगरयणीए, सूलं मह वाहइ'त्ति भणिऊणं । रण्णा धरिओ कुमरो, अप्पसगासम्मि रयणीए ॥२०४।। सो वि य सुणतो, चरियं, मह भारियाएँ पयर्ड' ति । होही अज्ज अवस्सं, 'ठिओ य नीसेसरयणीए ॥२०५।। पव्वाइयाए तीए, पुणो वि रयणीऍ मारिओ पुरिसो । रुहिरेणं गुंडियं मुहं काऊण गुंडिया तह रिसिदत्ता ॥२०६।।
ओसीयगे य मंसं पुणो वि ठविऊण तीऍ पावाए । दारं पेहिऊण पव्वाइया गया निययम्मि ठाणम्मि ॥२०७।। दिट्ठो य पहायसमए , पुरिसो पावो मारिओ जो सो । जोवाविया य रण्णा, रिसिदत्ता निययपुरिसेहिं ॥२०८।। दिट्ठा तेहिं पसुत्ता, रिसिदत्ता मंसरुहिरबीभच्छा । गंतूण तेहिं रण्णो, निवेइयं जं जहा दिटुं ॥२०९।। अंबाडिओ य रण्णा, कुमरो अइनिट्ठरेहिं वयणेहिं । रे पावकम्मकारिण !, किं ते एयं कयं पावं ? ॥२१०।। जाणंतो वि य एयं, 'माणुसखाइ'त्ति रक्खसी घोरा । रे ! पावकम्मकारिण तह वि तुमं चेव अवलवसि ॥२११।। कुमरो विलिओ चित्ते, निण्हविउं तत्थ जाव आढत्तो । ता कुविएणं रण्णा, भणिओ सो निट्टरवयणेहिं ॥२१२।। रे मूढ ! तुमं गंतुं, पेक्खसु तं रक्खसिं रुहिरलित्तं । अइदुक्क(ख?) होसि जा उ, पत्तियसि न चेव अम्हाणं ॥२१३।।
25
D:\amarata.pm5\3rd proof
