________________
रिसिदत्ताचरिए दुइज्जं पव्वं ॥]
भणिओ य तेहिं राया, तावस-पाखंडिणो इमे सव्वे । निद्धाडियंतु सिग्धं, नयराओ इमाओ सहस'त्ति ॥१८८।। गएहिं निग्गएहि, संती जइ होइ, लट्ठयं सव्वं । अहव न संती होही, तो अण्णमुवायमेस्सामो ॥१८९॥ जद्दिवसं पइ एसो, उवद्दवो पट्टणम्मि संजाओ । तप्पभिई पासंडी, मोत्तूण न को वि इह आओ ॥१९०।। ता नूण एस होही, पासंडिकओ उवद्दवो एत्थ । ता ताव इमे सव्वे, निद्धाडिज्जतु पासंडी ॥१९१।। सोऊण इमं वयणं, कुविओ पासंडिणोवरिं राया । निद्धाडिया य सव्वे, मोत्तूणं साहुवग्गं'ति ॥१९२॥ एयम्मि अवसरम्मी, सा पव्वाया अवट्ठिया पुरओ । रायाणं आढत्ता, भणिउं एएहिं वयणेहिं ॥१९३॥ मा कुण अमंगलाइं, पासंडिजणं निसारिऊण तुमं । दावेमि अहं ते सा, जा एत्थं माणुसे खाइ ॥१९४॥ भणिया य राइणा सा, साहसु तं अज्जि ! पत्तियामि अहं । जेण तुमं धम्मट्ठी, न चेव अलियं पजंपेसि ॥१९५॥ तीए उस्सारेउं, रण्णो एगागियस्स कहियमिमं । जह किल सुमिणम्मि अहं, सुदेवयाए इमं भणिया ॥१९६।। अज्जं पहायसमए, राया पासंडिणो इमे सव्वे । नयराओ निच्छुहेही, रक्खससंकाएँ भयभीओ ॥१९७।। तत्थ तुमं साहेज्जह रण्णो गंतूण मज्झ वयणेणं । जा एस तुज्झ सुण्हा, रण्णे कुमारेण परिणीया ॥१९८।। सा रक्खसस्स धूया, अइघोरा रक्खसी महारोदा । एसा सव्वे वि इमे, पुरिसे मारेइ रयणीए ॥१९९।। एयं साऽहिण्णाणं एसा अज्जेव मारिउं पुरिसं । भत्ति(क्खि?)स्सइ रयणीए, पावा अइ निग्घिणा रोद्दा ॥२०॥
25
D:\amarata.pm5\3rd proof
