________________
[४५
रिसिदत्ताचरिए दुइज्जं पव्वं ॥]
अवसोवणिं अवणेउं, दारं पिहिऊण तत्थ सा पावा । नियआवासे पत्ता, पव्वाया तुरियवेगेणं ॥११०॥ अह सो पहायसमए, दिट्ठो लोएण मारिओ पुरिसो । उच्छलिओ बहलरवो, 'तं वर्ल्ड मारियं पुरिसं' ॥१११॥ तेण वेण कुमारो, पबोहिओ पेक्खइ निययवत्थं । बहलरुहिरेण लित्तं, तं दटुं संकिओ जाओ ॥११२॥ तह वि य सो गंतूणं जोयइ तं मारियं वरं पुरिसं । तं द?ण नियत्तो, संपत्तो वासभवणम्मि ॥११३।। रक्खसिरूवा दिट्ठा, कुमरेणं मंस-रुहिरबीभच्छा । रिसिदत्ता पल्लंके, सुत्ता निदाए निच्चेट्ठा ॥११४॥ ऊसीसगे य मंसं दिटुं वयणं च रुहिरअवलित्तं । दो वि करा बीभच्छा दिट्ठा रुहिरेण अवलित्ता ॥११५।। सो संकिओ य हियए, 'किं एसा रक्खसि' त्ति संवुत्ता । जेणेरिसी अवत्था, पत्ता ईए महाघोरा ॥११६।। दट्ठण य बीभच्छं, तं बालं निद्दवसगयं कुमरो । निययमणेणाढत्तो, चिंतेउं तत्थ सो एवं ॥११७|| दीसइ जेण 'इमीए, माणुसरुहिरेण लित्तयं वयणं । तेणेस महाघोरा रक्खसिया चेव' जाणामि ॥११८।। दो वि करा अवलित्ता, माणुसरुहिरेण जेण दीसंति । तेणेसा जाणिज्जइ, रक्खसिरूवा ममं भज्जा ॥११९।। ऊसीसगे य मंसं, दीसइ ईए अईवबीभच्छं । जाणामि तेण एसा, न होइ भज्जा मम पसत्था ॥१२०।। एसो वि ईए नूणं विणासिओ रायवल्लहो पुरिसो । हा कह ईए विरूवं, कम्मं बालाए आवडियं ॥१२१।। हा विहि ! एइ(ईए) रूवं काऊणं एरिसं मणभिरामं । इय एरिसम्मि कम्मे, निओइया कह तुमे एसा ॥१२२।।
25
D:\amarata.pm5\3rd proof
