________________
10
रिसिदत्ताचरिए दुइज्जं पव्वं ॥]
[४३ जेण भणियं
"नइवेगसमं चवलं च, जीवियं जोव्वणं च कुसुमसमं । तं नाऊण असारं, विसयसुहं किं न सेवेह ॥८५॥[ ] तीऍ हसिऊण भणियं, अज्जे ! जणएण जस्स हं दिण्णा । सो सुभग तावसीए, अण्णाए मज्झ अवहरिओ ॥८६।। तीए वि य सा भणिया, पुत्त ! तुमं कस्स आसि दिण्ण'त्ति । जणएण, तीए कहियं सव्वं जेण वित्तं'ति ॥८७॥ जाव य सो परिणेउं, तावसधूयं अरण्णमज्झाओ । संपत्तो निययपुरे, ता सव्वं तीए परिकहियं ॥८८।। सुणिऊण इमं तीए, पच्चुवयारस्स करणबुद्धीए । भणिया रुप्पिणिकण्णा, पुत्ति ममं देसु आएसं ॥८९॥ आणेमि तुज्झ दइयं, कणगरहं एत्थ थोवदिवसेहिं । पुत्ति ! तुमे उवयारो, जेण महंतो कओ मज्झ ॥९०॥ तीए वि य सा भणिया, अज्जे ! तुह नऽत्थि किंचि असज्झं । तं पुण उवगारो तुह, कओ'त्ति तं तत्थ निसुणेहि ॥११॥ को करिउं उवयारं, एत्थ समत्थो जयम्मि तुह अज्जे । किं तु हवइ गुरुलोओ, गेज्झो भत्तीए एत्थ फुडं ॥१२॥ ता कुण मज्झ पसायं, पियसंयोगेण तीएँ सा भणिया । तीए वि य सा भणिया, आणेमि लहुं वरं तुज्झ ॥९३।। संपूइया य संती, चलिया सत्थेण सा समं धुत्ती । अणवरयपयाणेहिं, पत्ता रहमद्दणे नयरे ॥९४॥ आवासिया य तम्मी, कम्मि पएसम्मि सा महापावा । दिट्ठो य तीऍ कुमरो, सहिओ रिसिदत्तवामाए ॥९५।। दट्ठण रिसिदत्तं, पव्वाया नियमणम्मि चिंतेउं । जह तत्थ समाढत्ता तह चेव अहं पि वक्खामि ॥९६।।
D:\amarata.pm5\3rd proof
