________________
४२]
[ऋषिदत्ताचरित्रसंग्रहः ॥ एयम्मि अवसरम्मी, केण व कज्जेण उट्ठिओ कुमरो । सा वि य सहियणसहिया, चलिया अण्णत्थकज्जेणं ॥७२॥ एवं कीलंताणं दोण्हं पि गयाणि पंच वरिसाणि । एवं.......................................... नयरीए ॥७३॥ सुंदरपाणी राया निसुणइ वत्तं जहा किल कुमारो । तावसधूयं रण्णे परिणेऊणं पडिनियत्तो ॥७४।। सा वि य रुप्पिणिकण्णा कणगरहं हियवएण वहमाणी । गुरुजोव्वणं संपत्ता कालं दुक्खेण परिगमइ ॥७५।। अह अण्णया भमंती, पुहईए सुलस नाम पव्वाया । बहुमंतजोगकुसला, संपत्ता तीऍ नयरीए ॥७६।। उग्घाडणि-अवसोयणिविज्जाहिं कूरमंतजोएहिं । सा पावकम्मकारी, मोहेइ जणं वियर्ल्ड पि ॥७७।। सा कूरकम्मकारी, संपत्ता जत्थ रुप्पिणी कण्णा । अच्छइ सहियणसहिया कणगरहं हियइ वहमाणी ॥७८।। अब्भुट्ठिया य तीए, उवविट्ठा आसणम्मि दिण्णम्मि[मी] । अक्खाइयनाडाई, कहिउं सा तत्थ आढत्ता ॥७९।। अक्खित्ता सा तीए, कण्णा बहुसिक्खियाएँ धुत्तीए । ए[स]क्कारिया य धुत्ती, कण्णाए तत्थ तुट्ठाए ॥८०।। तप्पभिई काऊणं, दिणे दिणे एइ तत्थ सा धुत्ती । पूएइ रायधूया, अभिक्खणं वत्थमाईहिं ॥८१।। अण्णम्मि दिणे तीए, भणिया तुह पुत्त ! जोव्वणं पवरं ।
वट्टेइ, किं न जणओ, अणुरूवं वरइ तुज्झ वरं ।।८२।। जेण- एयस्स इमं सारं, पुत्तय ! मणुयत्तणस्स जियलोए ।
जं पियमाणुससहिया, वच्चंति दिणा तरुणभावे ॥८३।। एयं तारुण्णं पुत्तय ! माणेसु तं जहिच्छाए । पच्छा किं लद्धेणं, वि पिएण विड्डत्तणे तेण ॥८४।।
D:\amarata.pm5\3rd proof
