________________
३८]
[ऋषिदत्ताचरित्रसंग्रहः ॥ ता गेण्ह सुहुमाइं, पुत्तय ! हरिवरिसखेत्तजायाई । हरिवंसुप्पत्तीए, कप्पतरूणं वरफलाणि ॥३५॥ एयाई वरफलाई जत्थ व तत्थेव चेव क्खित्ताइ । छम्मासेण दिणाणं, हवंति, रुक्खा महाकाया ॥३६।। एयाइं महफलाइं, दिण्णाइं तावसेहिं तुटेहिं । सव्वरिउसु पुप्फ-लया-तरुणो जायंति एयाण ॥३७।। ससुरकुलपत्थियाए, कण्णाएँ पहेणयं ति नेयव्वं । मम किं पि नऽत्थि अण्णं एयाइं फलाइं ता गिण्ह ॥३८।। इय भणिऊणं एवं, दिण्णाई फलाइं तीए बालाए । भणिया य सा अण्णेणं, 'होसु तुमं पुत्त ! सामुइया [?] ॥३९।। अण्णं पि तुमं पुत्तय ! धम्मे सीले य होसु उज्जुत्ता ।
तह य खमासंजुत्ता, हवेज्ज तं ससुरणिहपत्ता ॥४०॥ जेण भणियं
जाणसु सीलेण कुलं, दयाए धम्मं खमए पंडिच्चं । अणुयत्तणाए पेम्मं, साहुं च फुडेहिं वयणेहिं ॥४१॥[ ] एयाइं पुत्त ! पंच वि, जम्मि य पूराणि संति माणुस्से । तस्स य दोण्णि वि लोया सलाहणिज्जा जए हुंति ॥४२।। भणिओ पुणो कुमारो, रिसिदत्ता पुत्त ! तुज्झ नासो'त्ति । रिसिदत्ता वि य भणिया-'कुमारो पुत्ति ! सरणं' ति ॥४३॥ आपुच्छिऊण पुणरवि, दो वि जणाइं तहा खमावेउं । चडिओ हुयासणे सो, गओ य पंचत्तणं सहसा ॥४४॥ रिसिदत्ता रुयमाणी, कलुणं किच्छेण तेण कुमारेण । संठविया य अरण्णे, जणए पंचत्तणं गयम्मि ॥४५।। कणगरहकुमारेणं, सव्वं काऊण तस्स मयकम्मं । काराविया मसाणे, देउलिगा खुड्डिगा तेणं ॥४६।।
25
D:\amarata.pm5\3rd proof
