________________
5
10
15
20
25
३६ ]
[ ऋषिदत्ताचरित्रसंग्रहः ॥
जेणेयं संलत्तं, "कुमार ! बालाएँ किं वि जइ कज्जं । ता एसा सा अज्जइ, दंसेमि अहं कुमारस्स" ॥११॥ ता एवं सो कुमारो, चिंतइ निययम्मि चेव हिययम्मि | ता तीए बालाए, पलोइयं महुरदिट्ठीए ॥१२॥ नाऊण तस्स भावं, हिययगयं बालिगाऍ पवराए । नेहं पयडंतेणं, पलोइया सा कुमारेण ||१३||
तह तेणं सा दिट्ठा, तीए तह तस्स पेसिया दिट्ठी । जह दोणि विसमयं चिय, निव्वत्तरसाइं जायाई ॥ १४ ॥ [ रिसिदत्तायाः पाणिग्रहणम् ]
नाऊण तेसिं भावं, कुमार - बालाण दिट्ठिसंजणियं । रिसिणा कुमारो भणिओ - 'दिण्णा एसा मए तुज्झ' ॥१५॥ किंतेसा अइभोला, तावसवासम्मि वड्ढिया कुमर ! । निच्चं अदिट्ठदुक्खा, अदिट्ठ - तह - विप्पिया चेव ||१६|| सुहालिया य एसा, निच्चं पि अदिट्ठफरुसवयणा य । ता तह कुणसु नराहिव ! न विमाणसि जह तुमं एयं ॥१७॥ चलणेसु निवडिऊणं, कुमरेणं सो रिसी इमं भणिओ । का तुह भयवं ! चिंता ?, एसा चिंता महं चेव ॥१८॥ ता रिसिणा वुड्डेणं, गहिऊणं नीरभरियवरसंखं । दिण्णा सा वरकण्णा, निवाडिया सलिलधार'ति ॥ १९ ॥ पडुपडहसंखसद्दाउलेण वज्जंतगहिरतूरेणं । सा कुमरेणं बाला, परिणीया तक्खणं तत्थ ॥२०॥ तुट्ठो य रायपुत्तो, तीए लंभम्मि पवरकण्णाए । चितेइ सो मणेणं, अलं ममं अण्णभज्जाए ॥२१॥
एयाओ ठाणाओ, नियत्तियव्वं मए नयरहुत्तं । किं तीए धिइनिमित्तं, कइ वि दिणे त्थ अच्छामि ||२२||
१. किन्तु एसा इति विग्रहः कार्यः ।
D:\amarata.pm5\3rd proof
