________________
३२]
[ऋषिदत्ताचरित्रसंग्रहः ॥ एत्थ वि अच्छंताणं, अम्हाणं होइ गरुयमइपावं ।
ता वच्चामो अण्णत्थ, अज्ज रयणीए पच्चद्धे ॥३२३।। जेण भणियं च"चरित्रेण विहीनः, श्रुतवानपि नोपजीव्यते सद्भिः । शीतलजलसंपूर्णः, कुलजैश्चाण्डालकूप इव" ॥३२४॥[ ] अह सो तावससहिओ, रयणीए पच्छिमम्मि जामम्मि । हरिसेणं मोत्तूणं, पसुत्तमण्णत्थ संचलिओ ॥३२५॥ सो वि य पहायसमए , गंतुमणो झत्ति चिय उठेइ । तो पेक्खइ तं उडयं, तावसजणविप्पमुक्कं ति ॥३२६।। एक्को परजरगहिओ तावसथेरो पभायसमयम्मि । हरिसेणेणं दिट्ठो, तेसिं मग्गेण संचलिओ ॥३२७॥ चलणेसु निवडिऊणं, हरिसेणेणं पउच्छिओ सो उ। सो वि इमं वुत्तंतं कहिऊणं चेव संचलिओ ॥३२८।।
सुण्णम्मि आसमपए, सहिओ सो पियमईए हरिसेणो । 15
सोएउं आढत्तो, अत्ताणं निययहिययम्मि ॥३२९।। कहं ?- अण्णह परिचिंतिज्जइ, सहरिसकंडुज्जएण हियएण ।
परिणमइ अण्णह च्चिय, कज्जारंभो विहिवसेणं ॥३३०॥ जं नयणेहिं न दीसइ, हियएण वि जं न चिंतियं किमवि ।
तं तं सिरम्मि निवडइ, वसणं अइदारुणं घोरं ॥३३१॥ 20 अहवा- मंदाऽऽलोइयमकज्जं, जं किंपि जयम्मि कीरइ नरेण ।
तं तं न हु पज्जंते, सुहावहं होइ किमउव्वं ॥३३२॥ अहवा-जं वसणं किं पि इहं, बला वि निवडेइ कम्मसंजणियं ।
तस्स उरं दायव्वं, पुरिसेणं बुद्धिमंतेणं ॥३३३॥ जेण भणियं25 "को एत्थ सया सुहिओ ? कस्स व लच्छी, थिराइं पेम्माई।
कस्स व न होज्ज खलियं, भण को व न खं[डिओ ] विहिणा" ॥३३४॥[ ]
D:lamarata.pm5\3rd proof
