Page Text
________________
२२२]
[धर्मसंग्रहः-द्वितीयोऽधिकारः क्रियाकारकसंबन्धः । तत्र जिनपूजाया उत्सर्गतः उचितः कालः सन्ध्यात्रयरूपः, अपवादतस्तु वृत्तिक्रियाऽविरोधेन आभिग्रहिकः । यत उक्तं पञ्चाशके -
"सो पुण इह विण्णेओ, संझाओ तिण्णि ताव आहेणं ।।
वित्तिकिरिआऽविरुद्धो, अहवा जो जस्स जावइओ" ॥१॥[पञ्चा.४/५] अस्या अपरार्द्धव्याख्या -वृत्तिक्रिया:-राजसेवा-वणिज्यादीनि कर्माणि, तासामविरुद्धः -अबाधको वृत्तिक्रियाऽविरुद्धः, अथवेति विकल्पार्थः, ततश्चापवादत इत्युक्तं भवति, यः पूर्वाह्लादिर्यस्य-राजसेवक-वाणिजकादे: जावइओ' त्ति यत्परिमाणो यावान् स एव यावत्को -मुहूर्तादिपरिमाणः, स तस्य तावत्कः पूजाकालो भवति, न पुनः सन्ध्यात्रयरूप एवेति ।
सम्यग् स्नात्वा संस्नाप्य चेत्यत्र सम्यक्पदाभ्यां सकलोऽपि स्नानादिविधिर्जिनप्रतिमास्नपनादिविधिश्च सूचितः । तत्र स्नानविधिः -उत्तिङ्गपनककुन्थ्वाद्यसंसक्तवैषम्यशूषिरादिदोषादूषितभूमौ परिमितवस्त्रपूतजलेन संपातिमसत्त्वरक्षणादियतनारूपः, उक्तं च दिनकृत्ये -
"तसाइजीवरहिए, भूमिभागो विसुद्धए । फासुएणं तु नीरेणं, इअरेणं गलिएण उ॥१॥[श्रा.दि./गा.२३ ]
काऊणं विहिणा पहाणं" [श्रा.दि./गा.२४पू.] ति । तत्र विधिना –परिमितोदकसंपातिमसत्त्वरक्षणादियतनयेति तवृत्तिलेशः पञ्चाशकेऽपि -
"भूमिपेहणजलछाणणाइजयणा उ होइ पहाणादो ।
एत्तो विसुद्धभावो, अणुहवसिद्धो च्चिअ बुहाणं" ॥१॥ [ पञ्चा.४/११] व्यवहारशास्त्रे तु - "नग्नातः प्रोषितायातः, सचेलो भुक्तभूषितः ।
नैव स्नायादनुव्रज्य, बन्धून् कृत्वा च मङ्गलम्" ॥१॥[व्य.शा.] इत्यादि । स्नानं च द्रव्यभावभ्यां द्विधा, तत्र द्रव्यस्नानं जलेन शरीरक्षालनम् , तच्च देशतः सर्वतो वा, तत्र देशतो मलोत्सर्ग-दन्तधावन-जिह्वालेखन-करचरणमुखादिक्षालनगण्डूषकरणादि । सर्वतस्तु सर्वशरीरक्षालनमिति । तत्र च मलोत्सर्गो मौनेन निरवद्यार्हस्थानादिविधिनैवोचितः । यतः -
१. तुला-पञ्चाशकटीका प० ७२ ।। २. जइणा-इति पञ्चाशके ॥ ३. हाणादो(ण्हाणंमि)मु० । पहाणादौ-L.P.C. | पहाणाओ-इति पञ्चाशके ।
D:\new/d-2.pm5\3rd proof
| SR No. | 009691 |
| Book Title | Dharma Sangraha Part 1 |
| Original Sutra Author | N/A |
| Author | Chandanbalashreeji |
| Publisher | Bhadrankar Prakashan |
| Publication Year | 2011 |
| Total Pages | 500 |
| Language | Sanskrit |
| Classification | Book_Devnagari & Religion |
| File Size | 2 MB |