________________
त्रिषष्टिशलाकापुरुषचरिते
॥३९॥
दधतुश्चमरबली दक्षिणोत्तरयोरधः । अन्ये भुवनपत्याद्या दधिरे तु यथोचितम् ॥ १९० ॥ तदानीं गच्छदागच्छद्देवैरजनि संकुलम् । दिनान्ते पक्षिभिरिवान्तरिक्षमधिकत्वरैः ।। १९१ ।। तया शिबिकया स्वामी त्रिदशैरुह्यमानया । ज्ञातखंडवनं नाम ययावुपवनोत्तमम् ॥ १९२ ॥ प्रियस्येव हिमऋतोरागमे कोरकच्छलात् । रोमाञ्चिताङ्गीभिरिव लवलीभिर्मनोरमम् ।। १९३ ।। कुसुंभरक्तवासोभिरिव न्यस्तैर्वनश्रिया । नागरङ्गवनैः पक्वफलमालिभिरंकितम् ॥ १९४ ॥ कृष्णेक्षूणां मिथः पत्राश्लेषसांराविणैः सदा । पथिकानाह्वयदिव तदुद्यानं विवेश सः ।। १९५ ।। ।। त्रिभिर्विशेषकम् ।। शिबिकायाः समुत्तीर्य भूषणान्यत्यजत्प्रभुः । देवदूष्यं देवराजः स्कन्धे च निदधे प्रभोः ।। १९६ ॥ मुष्टिभिः पञ्चभिः केशानुद्दधे त्रिजगद्गुरुः । प्रतीक्ष्य दूष्ये तान् शक्रश्चिक्षेप क्षीरनीरधौ ॥। १९७ ।। तेनागत्य निषिद्धेऽथ तुमुले त्रिजगत्प्रभुः । कृत्वा सिद्धनमस्कारं चारित्रं प्रत्यपद्यत ।। १९८ ।।
१ प्रतीष्य ।
दशमं पर्व द्वितीयः
सर्गः
श्रीमहावीर
जिनचरितम् ।
प्रव्रज्याग्रहणम् ।
॥३९॥
