________________
त्रिषष्टिशलाका
पुरुषचरिते
॥९० ॥
बभूव चावधिज्ञानं श्रीवीरस्वामिनोऽधिकम् । अनुत्तरस्थितस्येव सर्वलोकावलोकनम् ।। ६२२ ।। सहजं त्ववधिज्ञानं यावद्देवभवेऽभवत् । एकादशांगीसूत्रार्थभृत्त्वं च चरमार्हतः ।। ६२३ ।। शान्ता निशान्ते सा सानुतापा च कटपूतना । पूजयित्वा प्रभुं भक्त्या निजं स्थानमुपाययौ ।। ६२४ ॥ अथ गत्वा भद्रिकायां पुर्यां तस्थौ तपः परः । दीक्षायाः प्रावृषं षष्ठीमतिवाहयितुं प्रभुः ।। ६२५ ।। गोशालस्तत्र मिलितः षष्ठमासाज्जगद्गुरोः । सेवां कुर्वन् प्राग्वदस्थात् प्रत्यहं प्रीतमानसः ।। ६२६ ॥ विविधाभिग्रहपूर्वकं चतुर्मासक्षपणं तत्र च प्रभुः । कृत्वा वर्षारात्रनिर्गमे विदधे पारणकं पुरो बहिः ॥ ६२७ ॥
܀܀܀܀܀
इत्याचार्यश्रीहेमचन्द्रविरचिते त्रिषष्टिशलाकापुरुषचरिते महाकाव्ये दशमपर्वणि श्रीमहावीरप्रथमषड्वर्षछद्मस्थविहारवर्णनो
नाम तृतीयः सर्गः ।
܀ ܀ ܀ ܀ ܀
दशमं पर्व
तृतीयः
सर्गः श्रीमहावीर
जिनचरितम् ।
उपसर्गवर्णनम् ।
॥९०॥
