________________
।
त्रिषष्टिशलाकापुरुषचरिते ।।१८३॥
अष्टम पर्व पञ्चमः | सर्गः श्रीअरिष्टनेमिजिनचरितम् ।
रुपेणाप्रतिरुपस्त्वं वसुदेव यथा नृषु । नारीषु देवकसुता तथा सा खलु देवकी ।। ५१ ॥ परिणीतास्त्वया बढ्यः खेचर्योऽपि हि कन्यकाः । असारा मन्यसे तास्तु नूनं संप्रेक्ष्य देवकीम् ।। ५२ ।। अस्मिन्नुचितसंयोगे मा भूद्वितः कुतोऽप्यतः । गत्वाख्यास्यामि देवक्यै वसुदेव भवद्गुणान् ।। ५३ ॥ इत्युक्त्वोत्पत्य स मुनिर्देवकीसदनं ययौ । तयार्चितश्चाशास्तेति वसुदेवो वरोऽस्तु ते ।। ५४ ।। वसुदेवः क इत्युक्तस्तया स मुनिरब्रवीत् । युवा दशार्हो दशमो विद्याधरवधूप्रियः ।। ५५ ।। किमन्यद्यस्य रुपेण तुल्या देवादयोऽपि न । वसुदेवः स इत्युक्त्वा नारदर्षिस्तिरोदधे ।। ५६ ।।
॥युग्मम् ।। तद्गिरा हृदि देवक्या विवेशानकदुन्दुभिः । आयातौ मृत्तिकावत्यां पुर्यां तु क्रमयोगतः ॥ ५७ ।। देवकेनार्चितौ तौ तु शौरिकंसौ विवेकिना । आसयित्वासनेऽनघे पृष्टावागमकारणम् ।। ५८ ।। कंसोऽप्यवोचदुचितां वसुदेवाय देवकीम् । प्रदापयितुमत्रागामिदमागमकारणम् ।। ५९ ॥ अवदद्देवको नैष विधिः कन्यार्थमागमः । स्वयमेव वरस्येति दास्याम्यस्मै न देवकीम् ।।६०॥ एवं विलक्षौ तौ द्वावपीयतुः शिबिरं निजम् । अंतःपुरं प्रावशित्तु देवकः पृथिवीपतिः ।।६१ ॥ नमस्कृतोऽथ देवक्या देवकः परया मुदा । अनुरुपं वरं पुत्रि लभस्वेत्याशिषं ददौ ।। ६२ ।। आख्यच्च देवको देव्यै वसुदेवाय देवकीम् अद्य दापयितुं कंस उद्युक्तो मामयाचत ।। ६३ ।।
वसुदेवविवाहः ।
देवक्यो
|| १८३॥
