________________
त्रिषष्टि
शलाका
पुरुषचरिते
11902 11
सप्तमः सर्गः
अथ रामः ससौमित्रिः सुग्रीवाद्यैर्वृतो भटैः । लङ्काविजययात्रायै प्रतस्थे गगनाध्वना ॥ १ ॥ भामण्डलो नलो नीलो महेन्द्रः पावनञ्जयिः । विराधश्च सुषेणश्च जाम्बवानङ्गदोऽपि च ॥ २ ॥ महाविद्याधराधीशाः कोटिशोऽन्येऽपि तत्क्षणम् । चेलू रामं समावृत्य स्वसैन्यैश्छन्नदिङ्मुखाः ॥ ३ ॥ ॥ युग्मम् ॥
विद्याधरैराहतानि यात्रातूर्याण्यनेकशः । नादैरत्यन्तगम्भीरैर्बिभराञ्चक्रुरम्बरम् ॥ ४ ॥ विमानैः स्यन्दनैरश्वैर्गजैरन्यैश्च वाहनैः । खे जग्मुः खेचराः स्वामिकार्यसिद्धावयैवः ।। ५ । उपर्युदन्वतो गच्छन् ससैन्यो राघवः क्षणात् । वेलन्धरपुरं प्राप वेलन्धरमहीधरे ।। ६ ।। समुद्रसेतू राजानौ समुद्राविव दुर्धरौ । तत्र रामाग्रसैन्येनाऽऽरेभाते योद्धुमुद्धतौ ॥ ७ ॥ नलः समुद्रं सेतुं च नीलोऽबध्नान्महाभुजः । उपराममनैषीच्च मनीषी स्वामिकर्मणि ॥ ८ ॥ काकुत्स्थः स्थापयामास तथैव पुनरेव तौ । रिपावपि पराभूते महान्तो हि कृपालवः ॥ ९ ॥ समुद्रोऽपि हि रूपाभिरामा रामानुजन्मने । रौमामतल्लिकास्तिस्रः प्रददौ निजकन्यकाः ।। १० ।। उषित्वा तां निशां सेतुसमुद्रानुगतः प्रगे । क्षणादासादयामा सुवेलाद्रिं रघूद्वहः ॥ ११ ॥ सुवेलं नाम राजानं जित्वा तत्राऽपि दुर्जयम् । उवासैकां निशां रामः प्रातर्भूयश्चचाल च ।। १२ ।। १ गर्विष्ठाः । २ मनीषा बुद्धिरस्यास्तीति तथा । ३ रामासु स्त्रीषु मतल्लिकाः श्रेष्ठाः ।
सप्तमं पर्व सप्तमः
सर्गः
रामलक्ष्मण
रावण
चरितम् ।
रावणेन सह
युद्धार्थ
ससैन्यस्य
रामस्य लङ्कां
प्रति
प्रयाणम् ।
।। १७८ ।।
