________________
श्रीसिद्धहेमचन्द्रशदानुशासनम्
33
स्वरात् ।५।२।६८॥ एभ्यः शीलादिसदर्थेभ्यो ‘णकः' स्यात् । निन्दकः, हिंसकः, केशकः, खादकः, विनाशकः, व्याभाषकः, असूयकः, चकासकः ॥६८॥
उपसर्गाद् देव-देवि-क्रुशः ।५।२।६९॥ उपसर्गात् परेभ्यः शीलादिसदर्थेभ्य एभ्यो ‘णकः' स्यात् । आदेवकः, परिदेवकः, आक्रोशकः ॥६९।।
वृङ्-भिक्षि-लुण्टि-जल्पि-कुट्टाहाकः ।५।२१७०॥ एभ्यः शीलादिसदर्थेभ्य- 'टाकः' स्यात् । वराकी, भिक्षाकः, लुण्टाकः, जल्पाकः, कुट्टाकः ॥७॥
प्रात् सू-जोरिन् ।५।२७१॥ आभ्यां प्रात् पराभ्यां शीलादिसदाभ्याम्-'इन्' स्यात् । प्रसवी, प्रजवी ।।
जीण-दृ-क्षि-विश्रि-परिभू-वमा-ऽभ्यमव्यथः ।५।२।७२॥ एभ्यः शीलादिसदर्थेभ्य ‘इन्' स्यात् । जयी, अत्ययी, आदरी, क्षयी, विश्रयी, परिभवी, वमी, अभ्यमी, अव्यथी ॥७२।।
सृ-घस्यदो मरक् ।५।२।७३॥ एभ्यः शीलादिसदर्थेभ्यो ‘मरक्' स्यात् । सृमरः, घस्मरः, अमरः ॥७३॥
भजि-भासि-मिदो घुरः ।५।२।७४॥ एभ्यः शीलादिसदर्थेभ्यो 'धुरः' स्यात् । भगुरम्, भासुरम्, मेदुरम् ।।७४||
वेत्ति-च्छिद-भिदः कित् ।५।२७५॥ एभ्यः शीलादिसदर्थेभ्यः 'किद् घुरः' स्यात् । विदुरः, छिदुरः, भिदुरः ।।
भियो रु-रुक-लुकम् ।५।२७६॥ एभ्यः शीलादिसदर्थाद् भियः "कित एते' स्युः । भीरुः, भीरुकः, भीलुकः ॥७६॥
