________________
श्रीसिद्धहेमचन्द्रशब्दानुशासनम्
१४७
एभ्यस्तस्मै इति - चतुर्थ्यन्तेभ्यः शक्तेऽर्थे 'इकण्' स्यात् । यौगिकः,
सान्तापिकः ||१४||
योग- कर्मभ्यां योकञौ |६|४|१५||
आभ्यां चतुर्थ्यन्ताभ्यां शक्तेऽर्थे यथासंख्यं 'योकजी' स्याताम् । योग्यः, कार्मुकम् ॥९५॥
यज्ञानां दक्षिणायाम् | ६ | ४|९६ ॥
एभ्यः षष्ठ्यन्तेभ्यो दक्षिणायामर्थे 'इकण्' स्यात् । आग्निष्टोमिकी ॥ ९६ ॥ तेषु देये |६|४|१७||
यज्ञार्थेभ्यः सप्तम्यन्तेभ्यो देयेऽर्थे 'इकण्' स्यात् । वाजपेयिकं भक्तम् ॥९७॥ काले कार्ये च भववत् |६|४|१८||
कालार्थात् सप्तम्यन्ताद् देये कार्ये चार्थे 'भवे इव प्रत्ययाः' स्युः । यथा वर्षासु भवं वार्षिकम्, तथा कार्यं देयं च ॥ ९८ ॥
व्युष्टादिष्वण |६|४|१९||
एभ्यः सप्तम्यन्तेभ्यो देये कार्ये चा- 'ऽण् स्यात् । वैयुष्टम्, नैत्यम् ॥ ९९|| यथाकथाचाण्णः | ६|४|१००||
अस्माद् देये कार्ये चार्थे 'ण' स्यात् । याथाकथाचम् ||१०० || तेन हस्ताद् यः | ६ |४|१०१ ॥
तेनेति - तृतीयान्ताद् हस्ताद् देये कार्ये च 'यः' स्यात् । हस्त्यम् ॥१०१॥ शोभमाने |६|४|१०२॥
टान्ताच्छोममाने 'इकण्' स्यात् । कार्णवेष्टकिकं मुखम् ॥१०२॥
कर्म-वेषाद् यः | ६|४|१०३ ॥
आभ्यां टान्ताभ्यां शोभमानेऽर्थे 'यः' स्यात् । कर्मण्यं शौर्यम्, वेष्यो नटः ॥
