Page Text
________________
३८]
[श्रीविचाररत्नाकरः ठावित्ता ईरिअं पडिक्कमिअ खमासणे वंदिअ पोसहमुहपत्तिं पडिलेहेइ । ततो खमासणं दाउं उद्धट्ठिओ भणइ-इच्छाकारेण संदिसह भगवन् ! पोसहं संदिसावेमि । बीएण पोसहं ठावेमि त्ति भणिय नमुक्कारपुव्वं पोसहमुच्चारेइ-करेमि भंते ! पोसहं आहारपोसहं सव्वो देसओ वा सरीरसक्कारपोसहं सव्वओ बंभचेरपोसहं सव्वओ अव्वावारपोसहं सव्वओ चउव्विहे पोसहे ठामि जाव अहोरत्तं पज्जुवासामि दुविहं तिविहेणं मणेणं वायाए काएणं न करेमि न कारवेमि तस्स भंते ! पडिकमामि निंदामि गरिहामि अप्पाणं वोसिरामि । एवं पत्तिपेहणपव्वं खमासणदुगेण सामाइयं करिअ खमासणदुगेण जइ वासारत्तो तो कट्ठासणगं सेसट्टमासेसु पाउंच्छणगं संदिसाविअ खमासणदुगेण सज्झायं करेइ, तओ पडिक्कमणं करिअ खमासणदुगेण बहुवेलं संदिसाविअ खमासणपुव्वं पडिलेहं करेमि त्ति भणिअ मुहपुत्तिं पाउंच्छणं परिहरणगं च पेहिय साविया पुण पुत्ती पाउंछणमुत्तरीअं कंचुगं साडियं च पेहिअ खमासमणं दाउं भणइ-इच्छकारी भगवन् ! पडिलेहणा पडिलेहावो, तओ इच्छं भणिय ठवणायरियं पेहिअ ठविअ खमासणपुव्वं उवहिमुहपत्तिं पेहिअ खमासणदुगेणं संदिसाविअ वत्थकंबलाइ पडिलेहेइ । तओ पोसहसालं पमज्जिअ कज्जयं उद्धरिय परिझुविअ ईरिअं पडिक्कमिअ गमणागमणमालोइय खमासमणपुव्वं मंडलीइ साहु व्व सज्झायं करेइ, तओ पढइ गुणइ पुत्थयं वा वाएइ जाव पउणा पोरिसी, तओ खमासणपुव्वं पुत्तिं पेहिअ तहेव सज्झायइ जाव कालवेला जइ देवा वंदियव्वा हवंति तो आवस्सिआपुव्वं चेइहरे गंतुं देवे वंदेइ, जइ पारणइत्तो तो पच्चक्खाणे पुन्ने खमासणपुव्वं पुत्तिं पेहिय खमासमणं दाउं भणइ-पारावह पोरिसी पुरिमड्ढो वा चउहारकओ तिहाहारकओ वा आसि निव्विएणं आयंबिलेणं एगासणेणं पाणाहारेण वा जा काइ वेला तीए, तओ देवे वंदिय सज्झायं करिअ गेहे गंतुं जइ हत्थसयाओ बाहिं तो ईरिअं पडिक्कमिअ आगमणं आलोइअ जहासंभवं अतिहिसंविभागवयं फासित्ता निच्चलासणे उवविसिअ हत्थपाए मुहं च पेहित्ता नमुक्कारं भणिअ पासुअमरत्तदुट्ठो जेमेइ, पोसहसालाए वा पुव्वसंदिट्ठनियसयणेहिं आणि नो भिक्खं हिंडइ, तओ पोसह सालाए गंतुं ईरिअं पडिक्कमिअ देवे वंदिअ वंदणं दाउं तिहाहारस्स चउहाहारस्स वा पच्चक्खाइ, जइ सरीरचिंताए अट्ठो तो आवस्सि करिअ साहु व्व उवउत्तो निज्जीवे थंडिले गंतुं विहिणा उच्चारपासवणं वोसिरिअ सोअं करिअ पोसहसालाए आगंतुं ईरिअं पडिक्कमिअ खमासणपुव्वं भणइ-इच्छाकारेण संदिसह भगवन् ! गमणागमणं आलोउं ? इच्छं, वसतिहुंता आवसीकरीअ अवरदक्खिणदिसि जाइअ दिसालोअंकरिअ अणुजाणह जस्सुग्गहु त्ति भणिअ संडासए थंडिलं च पमज्जिय उच्चारपासवण वोसिरिय निसीहियं करिअ पोसहसालाए पविट्ठा आवंतजतेहिं जं खंडिअंजं विराहिअं तस्स मिच्छा मि दुक्कडं तओ सज्झायं करेइ" । एवं सन्ध्याप्रतिलेखनाप्रतिक्रमणपौरुषीपाठनशयन पुनः प्राभातिकप्रतिक्रमणदेववन्दनस्वाध्यायकरणपौषधपारणादिकसर्वोऽपि विधिः क्रिय
D:\ratan.pm5\5th proof
| SR No. | 009628 |
| Book Title | Vicharratnakar |
| Original Sutra Author | N/A |
| Author | Kirtivijay, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 452 |
| Language | Sanskrit |
| Classification | Book_Devnagari & Spiritual |
| File Size | 2 MB |