________________
२२४]
10
[सविवरणं धर्मोपदेशमालाप्रकरणम् जुज्झम्मि उ ते विजिया कुलदेवे संभरित्तु मेहमुहे। ते वरिसिउं पयत्ता निरंतरं ताण वयणेहिं ।। पाणियभयाउ लोगो ठविओ सव्वो वि चम्मरयणम्मि । छत्तरयणेण ताहे चम्मं संछाइयं सव्वं ॥ जो पुव्वण्हे साली वविओ चरमम्मि पच्छिमण्हम्मि । तं चिय भुंजंति नरा दिणाणि जा सत्त वच्चंति ।। नरवइकिंकरपरिनिज्जाएहिं घणवयणदेवनिवहेहिं । उवसामिया चिलाया नरवइआणं पडिच्छंति ।। पुणरवि हिमवंतोवरि बावत्तरिजोयणट्ठिओ तियसो । सिद्धो सरेण लिहियं नियनामं उसभकूडे य ।। सिंधूए उत्तरिल्लं खु णिक्खुडं उवेइ सेणाणी । गंगं च महापउमो तदुत्तरं पुण वि सेणाणी ॥ अह वेयढे पत्तो रणरहसुब्भिन्नबहलपुएहिं । खयरनरिंदेहि समं जुज्झइ सुरखयरनयचलणो ॥ पुणरुत्तमत्तमायंगमेहगज्जंतमुहलियदियंतो। निवडतबाणवरिसो अंकूरियनहयलाभोगो॥ विलसियकरालकरवालविज्जुलो भडमयूररवमुहलो। तियसिंदगहियचावो जाओ रणपाउसो ताण ॥ फुटुंति सुहडसिरकंदलाई रुहिरारुणाई सयराहं । घणमंडलग्गधाराहयाइं रणपाउसे पत्ते । करिनाहाणं करिणो तुरयाण तुरंगमा रहाण रहा ।
समयं चिय संलग्गा सुहडा दप्पुद्धरभडाण ॥ कहं पुण जुज्झं पसरियं?-कत्थइ करालकरवालछणछणसंवद्धफिट्टेतसिहिसिहावूरियगयणंगणं । कत्थइ रणरुहिरमंसगंधायड्डियनिवडंतखगसहस्सपक्खुक्खेवपवण
१. क. सिरि । २. क. गयं ।
20
D:\mala.pm5\2nd proof
