________________
[२२३
सङ्घगुरुकार्ये शक्तिप्रकटने विष्णुकुमारकथा ]
अह कयपूयं चक्कं तियसिंददिसाए जोयणं गंतुं । तत्थेव ठियं राया संपत्तो तस्स मग्गेण ॥ उत्तुंगरहारूढो संधियबाणो समुद्दमज्झम्मि । तिण्णि दिणे उवउत्तो नियनामंकं सरं मुयइ ॥ सो बारस जोयणमवि ठियस्स तित्थाहिवस्स देवस्स । अत्थाणम्मि निवडिओ गुणमुक्को म(मा)गहतित्थम्मि ।। तं पुलोइऊणं रुट्ठो 'केणेस विसज्जिओ सरो एत्थ ?' |
मनामं तक्खणमेत्तेण उवसंतो ।। गंतूण तओ तियसो चूडामणिदाणपुव्वयं भणइ । नरनाह ! एसो हं पुव्वदिसापालओ तुज्झ ।। आणाफलं ति रज्जं तं से दाऊण अट्ठ वि दिणाणि । काऊण तस्स महिमं संपत्तो दक्खिणदिसाओ ।। तत्थ वि वरदामवई एवं चिय साहिओ सुरा रण्णा । पच्छिमदिसाए पच्छा पभाससामी वि एमेव ॥ सिंधुनयदेवयं साहिऊण वेयड्डसेलदेवं च । तिमिसगुहाए य पुणो कयमालं साहए राया ॥ ताहे अद्धबलेणं सिंधूए दक्खिणं दिसाभागं । साहेइ सुसेणवई तिमिसगुहाए कवाडाणि ।। उग्घाडिऊण सो च्चिय मणिरयणेणं करेइ कुंडाई । आयामपुहत्तेहिं पंचेव धणूसयाइं तु ॥ एगूणवण्णसंखाणि दोसु पासेसु तीए सो लिहइ । उज्जोइयमग्गेणं बलसहिओ पविसए ताहे ॥ उम्मग्ग-णिमग्गाओ नईओ सो संकमेण वोलेइ । आवायचिलाएहि य जुज्झइ रणजायहरिसेहिं ।।
१. क. °संठि । २. क. 'टाई।
D:\mala.pm5\2nd proof
