________________
सङ्घगुरुकार्ये शक्तिप्रकटने विष्णुकुमारकथा ]
[ २२५ समासासियसमुट्ठितंनिवडियभडयणं । कत्थइ धमुगुणविमुक्कबाणसेणिसंछाइयासेसनहि(ह)यलं । कत्थइ गुलगुलेंतदंतिदंतग्गभिज्जंतमहासुहडवच्छत्थलाभोयसंकुलं । कहिं पि पसरंतधणुजीहारवगिरिविवरपडिसद्दभरियमहियलं । कहिं पि धणुबाणसत्तिसवलकुंतासिमसुंठिझसतिसूलमुग्गरचक्कासिधेणुदारुणं । कहिं पि नररुहिरपाणपरितुट्ठकिलकिलेंतवेयालसयभीसणं । कहिं पि मुहलबंदियणुग्घुट्ठजयजयारवापूरिज्ज- 5 माणदिसामंडलं । अवि य, कहं पुण विज्जाहराहिवेण चक्कवट्टिबलं सरेहिं छायं? ति । अवि य
छाएइ परबलं सो बाणसहस्सेहिं लद्धपसरेहिं । नियबाणेहिं व मयणो सयलं महिमंडलाभोगं ।। दीसइ न गेण्हमाणो संधिंतो वा विकड्डमाणो वा । कामो व तह वि विंधइ असंखसंखेहिं बाणेहिं । नासेइ नरिंदबलं उदयत्थो दीहरेहिं बाणेहिं । सूरो व्व दुरालोगो वित्थरियं तिमिरनिउरंबं ॥ इय संकुलसेणावइविचित्तजुज्झेहिं जुज्झिउं ताहे । लग्गा दुन्नि वि पहुणो विज्जाहर-भारहनरिंदा ।। आयण्णायड्डियधणुविमुक्कसरनियरभरियनहमग्गा। दोन्नि वि साहसतोसियसुरसुंदरिमुक्कवरमाला ।। दोन्नि वि गुरुयपयावा दोन्नि वि विलसंतरुहिरपडिहत्था । दोन्नि वि वंचियपहरा दुन्नि वि जयलद्धमाहप्पा ॥ दोण्णि वि वग्गिरखग्गा दोन्नि वि कुलजलहिपुण्णिममियंका। जुझंति दो वि दूरं नहंगणुग्घुट्ठजयसद्दा । चक्करयणम्मि गहिए फरंति जालाउलम्मि पाएस् । पडिओ य खयरनाहो भरहाहिवराइणो ताहे ।। खंडप्पवायगुहाए पच्छा गंतूण साहिओ देवो । नामेण नट्टमालो नरवइणा तीए नीहरिओ ।
D:\mala.pm512nd proof
