________________
२२०]
[ सविवरणं धर्मोपदेशमालाप्रकरणम् तस्स य राइणो सयलंतेउरप्पहाणा जालाभिहाणा पिययमा । जा य, उज्जाणदीहिया विव विसट्टकंदोट्टनयणरेहिरा, कुरुवइसेणावइ व्व सण्णिहियकण्णाहरणा, हेमंतसिरी विव रो(रे)हंततिलया, सिसिरलच्छी विव वियसियकुंददसण त्ति । अवि य- चंदस्स चंदिमा विव अहवा परिगलइ सा वि गोसम्मि ।
एसा उण नरवइणो न गलइ छाहि व्व तद्दियहं ।। मयणारिणो व्व गोरी अहवा परिवसइ सा वि देहद्धे ।
एसा पुण नियपइणो निवसइ सव्वम्मि देहम्मि । एवं च राइणो तीए सह जम्मंतरसमत्थि(ज्जि)यपुण्णाणुभावजणियं बहुजणसंसणिज्जं तिवग्गसारं जीयलोगसुहमणुहवंतस्स समइक्कंतो कोइ कालो । अण्णया 10 उच्छंगगयं सीहं दट्ठण पडिबुद्धा जाल त्ति । अवि य
खंधट्ठियपंजरकेसरोहमुहकुहरभासुरं धवलं ।
तडिघडियसरयनीरावहं व पुलएइ मयनाहं ।। साहियं पय(इ)णो । तेणावि मुणियसत्थाणुसारेणानि(नं)दिया पहाणपुत्तजम्मेण । अव(वि)माणियडोहला य संपुण्णसमए पसूया देवकुमारोवमं दारयं । वद्धाविओ राया 15 पियंकरियाए चेडीए । दिण्णं से पारिओसियं । पइट्ठियं दारयस्स नामं विण्हुकुमारो ।
वड्ढिओ देहोवचएणं, कलाकलावेण य संपत्तो सयलजणसलाहणिज्जं जोव्वणं ति । अवि य- जयलच्छिपरिग्गहिओ पयमग्गफुरंतमीणसंसउलो ।
कमलायरसारिच्छो रेहइ कुमरो ग्घबि(मि)दु व्व ॥
जस्स य, कुडिला चिहुरा, ण सहावा, वित्थरियं वच्छत्थलं, न कडुअं भणियं, 20 तणुओ मज्झदेसो, न हीणविलासो, मयरद्धयधणुकुडिलाओ भमुहाओ, न बुद्धीओ,
अइदीहरा भुयादंडा, न वेराणुबंधा, परिच्चाओ समज्जियविहवस्स, न चरियस्स, अच्चंतपरिचिआओ कलाओ, न मायाओ, पायडाणि बहुजणपसंणिज्जाणि गुणविज्जाणि, न चारपुरिसजंपियाई, भंगुरा दइयापणयकलहकोवा, न महासेणजोह त्ति । अवि य- जलसंसग्गिवियंभियकमलाण व दुज्जणाण मुहसोहं ।
विमला वि हु जस्स कहा मियंक जोण्ह व्व मइलेइ ।
25
१. क. "तमीण । २. क. कुमरओ ।
D:\mala.pm5\2nd proof
